GMN TV Economia Air Timor sei hatama aviaun foun husi Xina hala’o operasaun iha TL

Air Timor sei hatama aviaun foun husi Xina hala’o operasaun iha TL

0 views

Eis Prezidente Repúblika (PR), José Ramos Horta, akompaña  asesor negósiu dezenvolvimentu kompañia AIR TIMOR, Tony Sum, atu hatama aviaun foun husi  Xina mai Timor-Leste ,hodi hala’o operasaun ba nasaun 10.

José Ramos Horta koalia asuntu nee ba jornalista sira hafoin akompaña asesor negosiu Kompañia Air Timor  Tony Sum hasoru malu ho Primeiru Ministru, Taur Matan Ruak, Sesta-feira semana nee iha Palasio Governu.

Lauriado Nobel da Paz 96 nee esplika objetivu kompañia  AIR TIMOR hasoru malu ho Primeiru Ministru Taur Matan Ruak ,ne’e, atu tulun Governu hodi solusiona problema folin tikete iha Timor-Leste, liu husi akordu ne’ebé kompañia AIR TIMOR sei hala’o ho Governu Timor-Leste,  nune’e bele hatama aviaun foun husi  Xina hodi halo operasaun Dili ba Singapor, Kuala Lumpur, Bali, Darwin no nasaun seluk tan.

 “Preokupadu ho ita nia difikuldade tebes aviasaun ita hotu hatene folin tikete ne’ebé Sriwijaya,Sitilink no Garuda halo ,hau koalia sai ida ne’e hau rasik pesoalmente buka tulun Governu atu hare problema ne’e, tamba Silka Air para tiha ona ,ita sen porsentu depende ba aviaun ne’ebé ladun iha kredibilidade,hanesan Citilink ho Sriwijaya,Ita husi ne’e ba Bali ou ba Darwin ,agora Timor oan lubuk ida ba Atambua no ba Kupang  hau husu rai ne’e soberanu ka lae entaun hau mos buka solusaun nune’e Air Timor konsege duni halo akordu ho kompanhia China aviaun foun ,agora hein de’it Governu nia autorizasaun, Tamba ne’e ohin hau aprezenta ba PM para Governu bele bok an lalais halo akordu ho China ”, hatete  Eis Prezidente Repúblika José Ramos Horta,ba jornalista sira iha Palasiu Governu.

Durante nee Primeiru Ministru Taur Matan Ruak mós preukupa kona-ba koneksaun aviasaun iha Timor-Leste ,tamba Timor Leste ukun an tinan 17 ona, maibe ajensia viajen iha Timor Leste seidauk iha.

“PM mos preukupadu los ho koneksaun aviasaun iha Timor laiha Estadu Soberanu tinan 17 tiha ona agora ne’e depende ba Atambua no Kupang ,ema kobre bilete aviaun ba ita,ita nia ajensia viajen mós laiha ,ajensia viajen iha Timor ne’e laos viajen ajensia Timor nian ,tamba ne’e sira reprezenta de’it ajensia viajen iha Bali nian ,tamba ne’e mak bilete mós sa’e karun”, termina Ramos Horta. tos


Banner

Foto

Notisia Ikus

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...

PR Lú Olo: Mane lebele marjinaliza feto

October 25, 2021
Xefe Casa Civíl Prezidénsia Repúblika, Franci...

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker