GMN TV Capital Governu sei kria ekipa ba observa direita projetu 67 nebe laiha kontratu

Governu sei kria ekipa ba observa direita projetu 67 nebe laiha kontratu

0 views

Vise Ministru Obras Públikas, Nicolau Lino Freitas Belo, hatete  Governu sei kria ekipa ida hodi tun direita observa projetu 67 ne’ebé mak seidauk iha kontratu.

“Tuir informasaun iha PN total projetu iha 143 husi numeru ne’e iha 76 mak iha ona kontratu no iha 67 mak seidauk iha kontratu, Projetu hirak ne’ebé mak iha ona kontratu signifika katak, Governu iha responsabilidade atu selu bazeia ba verifikasaun husi Ajensia Dezenvolvimentu Nasional (ADN), husi parte Governu sei prepara ekipa ida ne’ebé involve entre ministerial no ministeriu planeamentu rasik nune’e mós ho ADN,MOP liu husi diresaun jerál ba estradas ,pontes no kontrol para atu identifika projetu sira ne’ebé durante ne’e la’o, maibé laiha kontratu”, hatete Vise Ministro  Obras Públikas  Nicolau Lino Freitas Belo, hafoin relata servisu ministeriu nian ba Primeiru Ministru Taur Matan Ruak, iha Palasiu Governu,Tersa (14/05).

Governante nee hatete, foin lalais ne’e Primeiru Ministru Taur Matan Ruak, enkontru ho  Ministeriu Obras Públikas,Ministeriu Finansas, Ministeriu Transporte Komunikasaun hodi koalia konaba projetu sira ne’ebé durante ne’e la’o, maibé laiha kontratu.

Vise ministru nee dehan Governu sei esforsu atu identifika lolos ba kontratu projetu sira ne’e, atu nune’e ba oin Governu bele selu fila-fali.

“Projetu sira ne’ebé mak seidauk iha kontratu ,Governu sei esforsu ,tamba projetu sira ne’ebé la’o ne’e mai desizaun koletivu ne’ebé mai husi Konsellu Administrasaun Fundus das Infra estrutura iha tinan 2017 liu bá.Tamba ne’e Primeiru Ministru Taur Matan Ruak, rasik foin dadauk ne’e kria ona enkontru ida entre Ministeriu Obras Públikas ,Ministeriu Finansas,Ministeriu Transporte Komunikasaun oinsa esforsu para ba haree kontratu sira ne’e, nune’e ba oin Governu bele selu fila-fali”.VS MOP Nicolau,relata.

Relasiona ho projetu 143 ne’e, bankada opozisaun FRETILIN sei lori relatório husi Komisaun Inkeritu Parlamentar (KIP) ba ministeriu públiku,tamba konsidera deputadu sira husi bankada Aliansa Maioria Parlamentar, (AMP), boikota relatóriu refere hodi salva malu.tos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker