GMN TV Economia Governu sei muda negosiante Kampung Alor ba Golgota Mall

Governu sei muda negosiante Kampung Alor ba Golgota Mall

0 views

Iha Tersa (14/5) ne’e Ministério Turismo, Comércio Indústria (MTCI) konvoka enkontru ho ministériu relevante sira hodi ko’alia kona-bá preparasaun no mekanizmu muda negosiante Kampung Alor ba konstrusaun Plaza II ou Golgota Mall foun.

Diretor Jeral Komérsiu MTCI, Leovegildo dos Santos hateten, reuniaun interministerial ne’e ho intensaun atu halo hela preparasaun mekanizmu atu muda negosiante Kampung Alor ba konstrusaun plaza foun ne’ebé lokaliza iha suku Comoro, aldeia Golgota, munisípiu Díli.

“ita nia enkontru ne’e ho tema atu muda negosiante Kampung Alor ba fatin ne’ebé maka emprezariu husi aldeia Golgota sira prepara ona, ha’u hanoin katak, ida ne’e aprosimasaun ida, pas tinan rua ba kotuk, ita halo koordenasaun komunika diálogu ho negosiante sira, teknikamente ita halo no ita foti dadus ezistente kuaze que 240 ne’ebé maka ita hetan no depois rezistrasaun ne’ebé maka sira halo ona 177, ida ne’e rezistradu ona no sira pronto para atu muda ba iha fatin ne’ebá”, Diretor Jeral Komérsiu, Leovegildo dos Santos ba jornalista sira iha salaun enkontru MTCI, Fomentu-Bebora, Díli, Tersa (14-05-2019).

Leovegildo esplika ba públiku sira katak, programa ida ne’e, programa ida ne’ebé maka MTCI koordena ho ministériu relevante sira, hanesan Ministériu Administrasaun Estatal (MAE), Ministériu Obras Publika (MOP) no Ordenamentu Teritóriu.

“Programa ida ne’e ita koordena ho MAE, MOP ho Ordenamentu Teritóriu atu tata kota ne’e oinsa, entaun negosiante sira ne’e ita presiza tau iha fatin ne’ebé maka dignu, tau iha fatin própriu ida para sira bele fa’an sira nia sasan tuir sira nia hakarak ne’e,  atu ko’alia mós kona-bá oinsa sira atu muda ba iha ne’ebá, iha akordu tolu, Governu fasilita de’it, maibé tuir emprezariu boot husi Cina Golgota maka halo konstrusaun entaun negosiante sira asina fali kontratu ho Cina Golgota atu difini presu ba fatin ninian”, dehan Diretor Jeral Komérsiu MTCI ne’e.

Leovegildo salienta katak, koordenasaun ne’ebé maka MTCI ho ministériu relevante sei halo enkontru tan dala ka dala tolu antes muda negosiante sira, para antes fatin ne’e remata, tanba fatin Kampung Alor ne’e la’os la diak ba negosiante sira, maibé tanba fatin ne’e iha Meskita Timor-Oan ho relijiaun Islámiku nian, entaun presiza konserva.

“Ita hotu hatene katak Timor-Leste ne’e kuaze maioria relijiaun Katóliku, úniku ida no kuaze 3% ita bele dehan islámiku, fatin ne’e kuaze ita dehan antigu no ita presiza konserva fatin ne’e ho di’ak, ezemplu kuandu nasaun boot balun ne’ebé ninia boot balun relijiaun Islámiku, ita lori tesik ba iha ne’ebá hodi reza no ita muda sira ne’e atu nune’e fatin ne’e labele buradu”, informa nia.

Husi sorin seluk Administrador postu Dom Aleixo, munisípiu Díli, Simpliçio dos Santos Mendonça hateten, antes desidi muda negosiante sira ne’e, autoridade lokal ho negosiante sira halo ona diálogu iha tinan kotuk.

“Ita nia parseiru sira ne’ebé halo negósiu Kampung Alor prosesu ne’e prosesu iha inísiu tinan kotuk, depois prosesu de iha ona diálogu injeralmente ba ita nia ema sira ne’ebé agora ita prepara ona atu muda ba iha Golgota Mall ne’e, ita prepara ona kondisaun oinsa para fulan oin tuir mai agora ita atu halo mudansa ba sira, plaza II Golgota Mall ne’e prosesu hadi’a hela no ha’u hanoin iha fulan ida ne’e nia laran bele remata ona.

Entretantu tuir dadus ne’ebé maka iha negosiante sira ne’ebé identifikadu ona hamutuk 240 maka atu haruka ba iha Plaza II Golgota Mall. mya


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker