GMN TV Economia INSS sei la atende empreza rejista tarde hodi hetan apoiu

INSS sei la atende empreza rejista tarde hodi hetan apoiu

Institutu Nasionál Seguransa Sosiál (INSS) sei la atende pedidu rejistu ba traballadór no empreza, ne’ebé rejista tarde liu loron 15 tuir lei númeru 14/2020, hodi hetan apoiu empregu hosi Governu.

“Tuir lei  númeru 14/2020 29 Dezembru artigu 3 hatete, tempu ba Empreza no traballadór sira atu  rejistu hodi hetan apoiu empregu hosi Governu, ho durasaun loron 15 maibé karik loron 15 mak empreza no traballadór sira la konsege, INSS sei taka ona atendimentu ba rejistu”,dehan Prezidente INSS, Longuinhos Armando, ba JN-Diário, Tersa (11/05/2021) iha Kaikoli, Díli.

Prezidente INSS haktuir, kompañia ne’ebé la konsege rejistu iha loron 15, INSS tenke halo fali pedidu ba Ministra Solidariedade Sosiál no Inkluzaun (MSSI) atu lori ba Konsellu Ministru hodi aprova atu estende tan ka lae.

Maibé agora dau-daun INSS sei la’o tuir lei ne’ebé iha ona katak, loron ba rejistu loron 15 deit no ba kompañia no traballadór ne’ebé la konsege iha loron ne’ebé determinadu mak INSS sei koalia ho MSSI hodi ba diskute iha KM, afirma Longuinhos Armando.

Nia subliña, traballadór no empreza balun mak mai rejista ona no INSS mós sei halo monitorizasaun ba iha Munisípiu konaba rejistrasaun. Depois rejista INSS sei verifika dokumentu kompañia no traballadór sira nian no dokumentu ne’ebé mak los ona bele hahú pagamentu no ida ne’ebé seidauk los sei kontakta atu kompleta sira-nia dokumentu.

“Tanba dalaruma konta bankária balun banku reject tanba konta liu fulan 6 ba leten no sistema banku nian taka konta bankária, entaun bainhira INSS halo pagamentu ba konta ne’ebé mak banku rejista, no ida difikulta prosesu pagamentu”,esplika Longuinhos Armando.

Prezidente INSS realsa, prosesu verifikasaun ba dokumentu sira durante semana tolu no depois verifika dokumentu sira kompleta ona mak INSS hahú halo pagamentu.Fel

 


Banner

Foto

Notisia Ikus

Semana ne’e MAKLN hahú verifika dadus veteranu

August 1, 2021
Ministériu Asuntu Kombatente Libertasaun Nasi...

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker