GMN TV Economia Reitór UNPAZ: Kreximentu ekonomia rai-laran tun ba porsentu nen

Reitór UNPAZ: Kreximentu ekonomia rai-laran tun ba porsentu nen

Ekonomista Timor-Oan, atuál Reitór Universidade da Paz (UNPAZ), Adolmando Amaral, hateten, durante situasaun pandemia COVID-19, impase polítiku, no kalamidade públika, implika ba kreximentu ekonomia rai-laran tun ba %6.

Adolmando Amaral, hateten, husi tinan 2014 to’o 2015 kreximentu ekonomia Timor atinji díjitu 2. Iha tinan 2016 to’o 2017 tun fali ba díjitu 1. Nune’e iha tinan 2017 to’o tinan ne’e, husi díjitu ida menus ba %6.

Ekonomista ne’e esplika, fatór ne’ebé halo kreximentu ekonomia rai laran tun mak, impase polítiku ne’ebé la’o besik tinan lima, pandemia COVID-19, ne’ebé implika setór privadu barak mak, suspende sira nian atividade ekonomia, no mós laiha investimentu husi estranjeiru, mai iha rai-laran.

“Agora situasaun menus ba 6% ne’e, atu ita bele harmoniza ne’e oinsa? Ne’e ita tenke fó liberdade para iha atividade, enkuantu laiha atividade, ema hotu-hotu iha uma, entaun ita labele koalia asuntu ekonomia. Asuntu ekonomia ne’e signifika, ita tenke iha atividade”,hateten Reitór UNPAZ, iha nia knaar fatin, Fatu-Meta, Segunda (31/05).

Nia kompara, kreximentu ekonomia iha tinan 2016 ba kraik, ne’e la’o diak, tanba dezenvolvimentu ba setór infra-estrutura báziku, atividade ekonomia no negósiu barak la’o diak, tanba sidadaun sira livre no sirkulasaun osan iha merkadu mos diak.

Reitór ne’e mós duvida ho ezekusaun orsamentu jerál estadu tinan 2021 nian no orsamentu retifikativu ne’ebé aprova no promulga ona, maibé governu aplika hela serka sanitaria, konfinamentu, no atividade barak suspende, nune’e osan refere laiha impaktu pozitivu ba ekonomia rai laran.

“Ha’u akompaña deklarasaun husi Ministru Finansa, nia hatete dehan iha segundu trimestre sira nia ezekusaun orsamentu ne’e diak teb-tebes. Maibé ne’e diak intermus de relatóriu, mais agora husi publik ne’e ita tenke sente, ezekusaun ne’ebé diak ne’e tenke iha impaktu husi publik, mais agora ita haree iha publik, povu barak mak hakilar hela imfra-estrutura báziku, bee laiha, estrada laiha, edukasaun la la’o, eletrisidade mate moris, depois ita dehan ezekusaun ne’e diak” termina dehan ekonomista ne’e.

Ekonomista ne’e sujere, atu rekupera situasaun ne’e, Governu presiza hamamar fali medida sira implementasaun Estadu Emerjénsia, Serka Sanitária no Konfinamentu Domisiliáriu sira, nune’e roda ekonomia, bele sirkula fali hanesan bai-bain.

Importante mak, sensibilizasaun ba protókolu Organizasaun Mundial Saúde nian, hanesan uza máskara, fase-liman no distánsiamentu sosiál.

Relatóriu ezekusaun Orsamentu Jerál Estadu tinan 2021 nian, ba trimestre daruak, ne’ebé GMN asesa iha portal transferénsia Ministériu Finansa nian hatudu, ezekusaun orsamentu Governu hotu, atinji millaun USD 447,612, 052 ho nia pursentu %25.4, ne’ebé nia valór total, sa’e ba billaun USD 2, 1 husi valór inísiu billiaun USD 1,895. San


Banner

Foto

Notisia Ikus

PM Taur hirus membru PSHT re'in ema nia ain

August 1, 2021
Primeiru Ministru (PM), Taur Matan Ruak, desdkor...

Variante Delta nafatin ameasa saúde públika, PR dekreta EE da-XVI

July 31, 2021
Xefe Estadu, Francisco Guterres Lú Olo, liu hos...

Velosidade internet lentu, AHDMTL husu MTK tau atensaun

July 31, 2021
Velosidade internet lentu ka neneik liu difikult...

Envolvimentu juventude iha ParPol importante

July 31, 2021
Envolvimentu  juventude iha aktividade Partidu ...

LH kestiona PN la envolve sosiedade sivíl iha diskusaun lei EOJF

July 31, 2021
Koordenadór La’o Hamutuk (LH), Celestino Gusm...
1 2 3 623

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker