GMN TV Economia BNCTL transfere osan subsídiu ba Postu Administrativu 61

BNCTL transfere osan subsídiu ba Postu Administrativu 61

0 views

Banku Nasional Komersiu Timor- Leste (BNCTL-sigla Portugés), ohin, Segunda (06/08) hahu transfere osan subsídiu ba uma-kain sira ba iha postu administrativu 61 husi Munisípiu 12, la inkuli postu administrativu haat (4) iha Rejiaun Administrativu Espesial Oecusse - Ambeno (RAEOA).

Pagamentu  subsídiu USD200 ba agregadu familia iha ambitu pandia Covid-19 nee sei halao husi Banku Movel BNCTL nian ba iha postu administrativu  sira iha teritoriu timor laran tomak, nunee Postu Administrativu sira kontinua transfere ba Suku sira atu nunee fahe ba familia benefisiariu sira iha loron tuir mai.

Diretór Ezekutivu Banku  Nasional Comércio Timor-Leste, Brígido de Sousa hatete benefisiáriu sira  sei la ba simu subsídiu iha Postu Administrativu, maibé sei hein simu tuir ida-idak nia suku no aldeia.

Total orsamentu ba subsídiu familia sira nee iha tokon USD50 resin no benefisiariu uma-kain 298.119. Atu halao pagamentu nee, Ministeriu Solidariedade Sosial no Inkluzaun (MSSI) uza kareta 329. Kareta hirak nee husi patrimonio Estadu nian iha 181 no aluga iha kareta 148.

Vizita Sukursál BNCTL

Diretór Ezekutivu Banku  Nasional Comércio Timor-Leste, Brígido de Sousa hala’o inspesaun  ba edifísiu sukursál BNCTL iha Postu Administrativu  Gleno Munisipiu Ermera no Postu Administrativu Maubisse, Munisipiu Ainaro.

Objetivu vizita  ba edifísiu Sukursal BNCTL sira nee atu observa kualidade konstrusaun foun ne’e no koko liña internet,  inklui instalasaun eletrisidade no ekipamentu iha sukursál BNCTL iha Postu Administrativu rua nee.

Diretór Ezekutivu Banku  Nasional Comércio Timor-Leste hatete edifisiu foun ne’ebé konstroe husi kompañia Biamali ne’e sei presiza hadia buat balun.

Nia hatete  Sukursal BNCTL Gleno ho nia Ajénsia iha Maubisse, sei inaugura iha fulan Jullu tinan ne’e.

Nunee mos, Diretor kompaña Biamali, Jorge de Araújo promete sei aselera projetu reabilitasaun ne’e atu Sukursál Gleno bele loke lalais atendementu ba kliente no komunidade iha munisipiu Ermera.

Hafoin vizita edifísiu Sukursal Gleno kontinua hala’o inspesaun ba Ajénsia BNCTL iha Maubisse, Munispiu.

Total orsamentu ne’ebé BNCTL gasta ba konstrusaun Sukursal Gleno USD700.000 no ba edifisiu Ajénsia BNCTL iha Maubisse ho total USD 15.000.

Tuir planu BNCTL mós sei kria fatin ATM iha Sukursal sira no dadaun ne’e iha Ajénsia BNCTL Maubisse hari’i hikas ona. (Tos)


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker