Ezekusaun fundu monetáriu USD 200.00 ba kada uma kain, atinji ona porsentu sia nulu resin tolu (93%).
Diretór Jeral Ministériu Solidariedade Sosial no Inkluzaun (MSSI), Rui Exposto hateten, fundu ne’ebé mak Governu aloka hodi fó subsídiu ba kada família, relasiona ho surtu covid-19, ministériu solidariedade sosial no inkluzaun, ezekuta ona porsentu 93.
Uma ka’in ne’ebé mak hetan ona subsídiu famíliar ne’e, hamutuk rihun atus rua hitu nulu resin sia resin, husi númeru ne’e la inklui rejiaun administrativa Oe-Cusse.
“To’o horseik, iha Sabádu pagamentu ne’ebé mak ami halo iha USD 279. 332 mil uma ka’in orsamentu ne’ebé mak alokadu ba iha 12 munisípiu ne’e USD.59 milloens 699 mil, ita ezekuta to’o sabadu ne’e USD. 55 milloens, 886 mill 400 nível nasional ita ezekuta 93% ”, dehan, Diretór Jeral MSSI, Rui Exposto ba GMN iha Caicoli, Segunda (29/06).
Alende ne’e, Diretór Jeral MSSI ne’e mós informa, faillansu ne’ebé mak durante ne’e, sira infrenta maka, benefisiáriu sira li-liu iha kapital Dili, la kumpri regras Estadu Emerjénsia (EE), tanba númeru a’as liu kompara ho munisípiu 11 sira seluk.
Tuir Rui, sistema ne’ebé mak ministériu solidariedade sosial uza, difisil hodi detekta funsionariu sira ne’ebé hetan rendimentu husi dolar atus lima ba leten no família uma ka’in ne’ebé mak naran dubru, tanba dadus la’os MSSI mak rejista, maibé dadus hirak ne’e MSSI, simu husi Ministériu Administrasaun Estatal (MAE). Ina
