GMN TV Economia INSS finaliza proposta subsídiu 60% sei haruka ba MF

INSS finaliza proposta subsídiu 60% sei haruka ba MF

0 views

Institutu Nasionál Seguransa Sosiál (INSS), finaliza ona proposta subsídiu porsentu neen nulu (60%) ba kompañia sira no sei aprezenta ba ministériu finansas (MF).

Relasiona ho monetariu ne’ebé Governu promete, atu fó subsídiu ba Traballadór sira, ne’ebé serbisu iha kompañia, durante Estadu Emerjénsia (EE), parte INSS remata ona proposta hirak ne’e no sei aprezenta ba Ministériu Finansas.

Prezidente INSS, Longuinhos Armando informa, subsídiu ba traballdor sira tuir lolos, liu tokon sanulu resin lima, maibé hafoin parte tékniku halo verifikasaun ba dadus kompañia sira ni’an, barak mak l’a priense kritériu, tanba ne’e INSS reduz ba liu tokon sanulu resin ida.

Durante Estadu Emerjénsia, Prezidente INSS afirma, Governu liu husi institutu nasionál ajuda mós kompañia hirak ne’ebé eziste, atu estende porsentu neen nulu, ne’ebé mak durante ne’e kompañia kontribui.

“Ami ministériu institutu nasionál seguransa sosiál halo ona enkontru ho ministériu finansas sira komunika ona mai katak ami tenke prepara ona proposta para bele submete ona ba sira, nune’e ministériu finansa bele haree ona montante osan pagamentu ba 60% ne’ebé ke ita atu selu ba ita nia kompañia, traballadór no ita nia motorista sira, ami fila mai prepara kedan karta i agora ami fó ona ami nia karta ba ona gabinete ministra ni’an, depois de ministra asina tiha ami tenke lori ona ba iha ministériu finansas horseik mak enkontru finaliza kona-ba proposta ne’ebé ke ami atu enkamina ba ministériu finansas”, dehan, Prezidente INSS, Longuinhos Armando, ba GMN iha nia knar fatin Caicoli, Sesta (05/06/2020).

Longuinhos Armando esplika, Traballadór sira ne’ebé, mak sei hetan subsídiu, porsentu neen nulu husi Governu  ema na’in besik rihun tolu nulu resin lima mak sei hetan monetariu refere.

Prezidente INSS ne’e hatutan, INSS mós esklui ona, funsionáriu sira ne’ebé hetan, salariu husi dolar atus lima ba leten, hamutuk ema na’in 2.538 liu husi dadus uma kain, ne’ebé simu husi, Ministériu Administrasaun Estatal (MAE).

Tuir dadus ne’ebé, dadaun ne’e rejistu ona iha Institutu Nasionál Seguransa Sosial (INSS), kompañia tuan hamutuk liu rihun tolu nulu, enkuantu kompañia foun ne’ebé mak foin ba rejistu hamutuk atus haat ualu, inklui motorista sira hamutuk, atus neen, neen nulu resin neen, maibé husi númeru ne’e, atus tolu, haat  nulu resin rua mak priense kritériu.Ina


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker