Ministériu Solidaridade Sosial no Inkluzaun (MSSI), kontrata viaturas 148, ho orsamentu USD rihun 279,720.00 hodi fasilita ekipa tékniku pagamentu subsídiu famíliar iha munisípiu 12.
Diretur Nasionál Aprovizionamentu, Ministériu Solidaridade Sosial no Inkluzaun (MSSI), Danino da Cunha hateten, veíkulus ne’e aluga husi, empreza mishra unipesoal limitada, hodi fasilita ekipa tékniku, durante pagamentu subsídiu monetáriu iha muníspiu 12, lá inklui Rejiaun Administrativa Oe-Cusse.
“Duzentos cententa e nove mil cetecentos e vinte, (279,720.00), tuir prosesu ne’ebé mak ita halo iha kompañia ida de’it, maibé ita loke prosesu ne’e hasai konvite ba iha kompañia 5 kompañia 5 ne’e submete nia dukumentus ita mós iha ekipa ida para atu halo seleksaun halo avaliasaun, ikus mai iha selesaun ne’e kompañia 1 de’it mak atende tama iha faze kontratu lori atende atividade ne’e, mishra automovel unipesoal kada kareta por dia 135”, dehan, Diretór Nasional Aprovizionamentu MSSI, Danino da Cunha, ba GMN iha Caicoli, Segunda (29/06).
Kareta hirak ne’ebé mak durante ne’e, fasilita ekipa tékniku sira durante loron 14 iha munisípiu 12, kompostu husi viaturas Estadu atus rua (200) no atus ida haat nulu resin ualu(148) mak kontratu husi kompañia mishra unipesoal limitada.
Enkuantu kona-ba RAEO-A ni’an, sira nia parte sei hein hela desizaun husi kordenadór ekipa taskforce MSSI.Ina
