Emprezariu kompañia Star King, Lay Siu Hind, hatete, nia hapara traballadór sira hamutuk 20 resin, tanba haree ba rendimentu husi kompañia ne’ebé menus durante implementa Estadu Emerjénsia (EE).
“Ita hatun ne’ebé hanesan lá presija hanesan konjak, hanesan balun pembantu sira ne’e, ne’e ita komesa hatun, ha’u reduz karik vinte ital, pessoal,mas sira seluk hanesan operator sira ne’e,kaer servisu toman ne’eba ne’e sira nafatin,” deklara, Lay Siu Hind, ba GMN, Segunda(29/06/2020),iha Audian-Díli.
Lay esplika,durante implementasaun Estadu Emerjénsia,nia tenki fahe orariu ba ninia traballadóres lojas atu sira bele tama tuir orariu, nune’e kompañia bele selu tuir tempu ka oras ne’ebé traballadores tama.
“lojas seida’uk, lojas kontinua servisu naton covid ne’e, ne’e ita hafahe sira, fahe ba grupo rua, ida servisu ohin, ida fali servisu semana ida, semana ida, taka malu, taka malu tuir ekipa, ema mós hola sasan ladun be, fahe hanesan ne’e para labele para, hotu-hotu la’o hela só que selu mós tuir sira tama mai,” haktuir, Lay Siu Hind.
Enkuantu total traballadór ne’ebé servisu iha Kompañia Star King husi projeitu, fabrika no mós lojas hamutuk 272 no orsamentu ne’ebé kada fulan kompañia selu ba traballadóres hamutuk rihun 70. Jen
