Iha tempu badak Camara Comercio Industria Timor-Leste (CCI-TL), sei halo halo levantamentu dadus ba empreza hirak ne’ebé eziste iha Timor-Leste (TL).
Prezidente CCI-TL Oscar Lima hateten, dadaun ne’e sira prepara ona ekipa tékniku, no iha tempu badak sira nia parte sei halo peskiza ba empreza hirak ne’ebé mak eziste iha Timor-Leste, atu hatene lolos empreza hira mak hapara sira nia atividade, no hira mak kontinua, iha situasaun COVID-19 no situasaun polítika ne’ebé Timor-Leste infrente kuaze tinan tolu.
“Hapara no taka foin dadaun ha’u haruka atu levantamentu mais kasus ne’e depois de COVID-19 paradu tiha maibé eziste ne’e 20 ital mill emprezas ona maibé la’os hotu-hotu mak ativu balun ne’ebé iha hela naran mais seida’uk hala’o nia atividade ida ne’e mak ita buka para atu halo levantamentus”, dehan, Prezidente CCI-TL, Oscar Lima ba GMN iha nia knar fatin Comoro, Domingu (21/06/2020).
Razaun atu halo levantamentu ne’e, atu enkoraja Timor-oan sira ne’ebé mak halo investimentu iha Timor-Leste, no Governu presija haree kualifikasaun empreza ni’an, nune’e fó benefisiu pozitivu ba Timor-Leste.
Iha biban ne’e Prezidente CCI-TL, husu ba Timor-oan sira, atu aprende halo serbisu no aprende, oinsa sai emprezariu, maibé labele halo negósiu ilegal ka laiha lisensa.
Tuir, Oscar Lima, CCI-TL hanesan organizasaun ne’ebé lukrutivu no laiha limitasaun, tanba ne’e husu Governu atu fó dalan no eduka kompañia hirak ne’ebé eziste iha Timor-Leste.Ina
