GMN TV Economia Perfurasaun mina no gas iha posu Liurai hatudu rezultadu pozitivu

Perfurasaun mina no gas iha posu Liurai hatudu rezultadu pozitivu

193 views

Ministru Petróleu no Minerál (MPM), Víctor da Conceição, hatete, perfurasaun ba mina no gas iha posu Liurai, iha Suai, Minisípiu Covalima, hatudu rezultadu diak, maibe sei halo teste hodi hatene valór komersiál.

Victor da Conceição hato’o lia hirak ne’e ba jornalista sira, Tersa (21/06), hafoin atualiza prosesu perfurasaun mina iha Suai, Minisípiu Covalima, ba Prezidente Repúblika, José Ramos Horta.

“ Ita hatene katak iha mós perfurasaun Timor Resource iha Suai ne’ebé iha mós avansu katak kuaze sira mai tinan barak ona, tinan kotuk ho tinan ida ne’e tama ona faze perfurasaun posu primeiru, segundu, agora ba fali posu terseiru i  iha rezultadu mak posu segundu ne’e hetan deskobrementu tekniku katak iha duni mina, soke presiza tan analize atu nune’e teste para atu bele hatene katak nia deskobrementu komersial tama duni faze ida ne’e ga lae? Maibe Perfurasaun ba terseiru posu agora dadaun mobiliza hela hotu ida ne’e sei tuir mai, fura fali posu iha Same Betano foho Ailiku posu naran Rusak ne’e kona-ba Timor Resource nian”, hatete Ministru.

Governante ne’e mos klarifika katak kona-ba kampu mina Bayu Undan la’os maran, maibe kuantidade mina maka la sufisiente atu kontinua produz nune’e presiza hapara.

‘’ Iha faze ne’ebé labele halo produsaun, la ekonomiku ona, la’os maran quer ser mina mak la viavel ona atu produs nafatin, mina iha nafatin so que nia kustu produsaun a’as liu fali husi komersial ne’e, entaun tenki hapara, mas kuadu atu hapara ne’e tama ona iha faze desmantelamentu, mas iha mós projetu seluk ida bolu CCS agora dadaun ANPM, ho Santos halo ona MoU halo ona estudus viabilidade ne’ebé klean atu nune’e futuru mai kontinua halo reseitas nafatin ba Estadu. Maran sentidu labele halo produsaun ona, labele produs tan, mina iha nafatin, maibe nia kuantidade la sufisiente para nia atu produs nafatin, se nia produs nafatin nia lakon, nia rugi entaun se mak halo produsaun ida depois nia selu nafatin trabalador sira mas ninia rezultadu ida ba faan ne’e la to’o ida nia gasta ba selu ema ne’e, tantu ne’e bolu la viabilidade ekonomika ga komersial labele”, esplika Víctor da Conceição.

Durante audénsia, Governante ne’e mós informa ba Xefe Estadu, kona-ba progresu negosiasaun, Greater Sunrise, entre governu Timor-Leste, ho Austrália, no submete dokumentu kódigu petrolíferu ho dokumentu sira seluk, ne’ebé parte rua konkorda, hodi konklui iha fulan dezembru tinan ne’e.Ben

 


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker