GMN TV Economia Timor-Leste sei hasoru krize finanseira

Timor-Leste sei hasoru krize finanseira

868 views

Prezidente Autoridade Nasionál Petroleum Minerais (ANPM), Florentino Soares Ferreira hatete, mina iha Bayu Undan sei maran iha fulan Outobru 2022, ida ne’e fó ameasa ba Estadu Timor- Leste, tamba durante ne’e, Estadu garante de’it, reseita husi fundu petrolífeiru, hodi tau iha Orsamentu Jerál Estadu (OJE) kada tinan-tinan, hodi finansia despeza estadu no halo dezenvolvimentu.

Prezidente Autoridade Nasionál Petroleum Minerais (ANPM), Florentino Soares Ferreira, hato’o lia hirak ne’e hafoin partisipa simeira internasionál kona-ba enerjia minerais, iha Salaun City 8 Manleuana Díli, Tersa (14/06).

“Mina kampu Bayu Undan hotu iha fulan Outobru, ne’ebé ita tenki servisu maka’as duni, se ita la esforsu, ita sei labele hetan tan rezseitas husi petróleu, ita bo’ot sira hatene katak petróleu maka ita nia fonte da rezeita únika ba orsamentu jeral estadu kada tinan iha país ne’e, atu bele sustenta ita nia konstrusaun Estadu”, esplika Prezidente ANPM.

Tuir Florentino Ferreira, ba oin Estadu Timór-Leste tenki, kuidadu didi’ak hodi jere osan Fundu Petrolífeiru, tamba kampu mina ne’ebe mak produz mina, atu maran ona, nune’e resieita husi Fundu Petrolifeiru sei menus.

“Atu dehan deit katak, ita tenki kuidadu, tambá ita iha kampu mina ida de’it, tenki buka tan kampu seluk ne’eb’e mak produz mina, se la produz ita la hetan osan, estudu de’it ita la hetan osan, esplorasaun de’it ita sei la hetan osan”, hatete Florentino Ferreira.

Durante ne’e, mina iha Bayu Undan, kontribui ona reseitas ba Estadu Timór Leste, kuaze billiaun 30, husi billiaun 30 ne’e, Estadu Timór Leste uza ona porvolta billiaun 12.

BCTL foin lalais fó sai relatóriu trimetre ikus ne’e, Fundu Petroliféru atinji Biliaun USD19 iha konta Timor- Leste nian iha Banku Federal Amerika. Ags.


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker