GMN TV Economia ABANDONA PRODUSAUN MASIN, GOVERNU HUSU BALAK SALT INDUSTRY RESPONSABILIZA

ABANDONA PRODUSAUN MASIN, GOVERNU HUSU BALAK SALT INDUSTRY RESPONSABILIZA

0 views

Governu liu husi Diretor Nasional Industria no Kooperativa Ministériu Komersiu no Industria, (DNIK-MKI), Antonio da Costa, husu ba kompañia Balak Salt Industry tenki responsabiliza ba atividade produsaun masin iha Munisípiu  Manatuto ne’ebé mak oras ne’e dadauk  abandonadu, tamba kompañia refere hetan apoiu orsamentu 100.006 ( rihun atus ida nen) husi Governu liu husi MKI maibe laiha responsabilidade máximu.

Kompañia Balak Salt Industy abandona hela ona produsaun masin no oras ne’e dadauk masin tonelada 5 mak rai hela de’it iha armajen laran.

Antonio da Costa hateten, laiha razaun ba kompañia atu dehan atividade produsaun masin refere labele la’o tanba laiha orsamentu, tanba alende osan, MKI mos suporta mákina produsaun ba kompañia refere, ne’ebé la inklui iha montante orsamentu hamutuk 100.006.

"Ami husu nafatin sira-nia responsabilidade,iha fulan fevereiru, tinan ne'e mos ami haruka ona karta ida ba sira atu mai hato'o relatóriu mas iha relatoriu ne'e mos sira la esplika rasionalidade, entaun ami haree katak ladun diak ne’ebé husi parte kompetenti balun husi fiskalizasaun mos tun diretamente ona ba haree, maibe realidade mak parte kompañia la hatudu progresu entaun ami agora hein deit para Governu agora la’o diak para difini hodi hapara ona kompañia Balak Salt Industry tanba la hatudu progresu,"Diretor Jeral Industria no Kooperativa MKI, Antonio da Costa ba GMN iha nia servisu fatin Fomento-Dili, Tersa (17/7/2018), bainhira husu kona-ba atividade produsaun masin iha Laklean, Suku Ma’abat, Postu Administrativu Manatuto Vila,  Munisípiu Manatuto, ne’ebé hetan apoiu husi Governu maibe laiha progresu signifikativu.

João Marques, nu’udar  produtor masin tradisional, hatete, atividade produsaun masin ne’e hala’o iha tinan 2014. Maibe atividade ne’e hala’o dala ida de’it no kompañia abandona sem informasaun. Alende ne'e traballador sira ne’ebé kompañia kontrata hamutuk nain 13 to’o agora seidauk hetan sira-nia direitu.

"Produsaun masin ne'e ami rona no haree iha jornal la’o, no ami rasik mos haree no sente, maibe produsaun masin kuaze tonelada lima (5) ne'e sira halo dala ida deit, to’o agora paradu sem justifikasaun tanba saida mak paradu? ida ne'e preokupasaun bo’ot ida mai ami,"João Marques hateten.

Entretantu manajer kompañia Balak Salt Industry, Luis Alves do Rego, rekoñese katak, produsaun masin ne’e sira produs dala ida deit no nia parte labele koalia tanba la’os nia mak kaer osan.

"Kona ba osan ha’u labele koalia tanba la’os ha’u mak kaer osan, kona-ba osan ne'e kompetensia Diretor nian,"Luis Alves dehan.

Entretantu GMN tenta konfirma ho nain ba kompañia João Alves iha nia hela fatin Santa Cruz no Palapaco, maibe laiha fatin tanba halo viajen ba Portugal. Lansamentu produsaun masin Salt de Meza ne’e hala’o husi eis Ministru Komercio Industria no Ambiente, Antonio da Conceicão iha tinan 2014.

Tuir planu Ministériu Komersiu Industria no Kooperativa sei koopera ho lider komunitária Munisípiu Manatuto hodi entrega produsaun masin ho hektar mais ou menus 10 to’o 20 ba komunidade sira.Ola


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker