GMN TV Economia Osan duodésimu sei iha US$ 180 milloens "Mákina Estadu funsiona normal"

Osan duodésimu sei iha US$ 180 milloens "Mákina Estadu funsiona normal"

0 views

Orsamentu duodésimu atu garante funsionamentu mákina Estadu durante fulan hira ne’e nia laran, sei iha hela, tanba orsamentu duodésimu ne’ebé mak VII Governu planeia ona atu foti ne’e, hamutuk  US$ 250 milloens, maibé VII Governu foti de’it US$ 70 miloens, nune’e sei iha US$180 milloens.

Vise Ministra Finansas, Sara Lobo Brites, esplika, iha VII Governu foti ona osan duodésimu hamutuk US$ 70 milloens, hodi uza to’o agora, maibé orsamentu duodésimu ne’e sei iha.

“Orsamentu duodésimu US$ 250 milloens ne’ebé mak iha altura ne’eba VII Governu planu atu foti hodi asegura to’o iha fulan Jullu, osan ida ne’e ita foin foti US$ 70 miloens,”afirma Sara Lobo ba jornalista sira iha Palasiu Prezidensial, Tersa (10/7/18).

Nia hatutan, iha tempu VII Governu lolos ne’e atu foti US$ 140 milloens, maibé la konsege tanba tempu ba ezekusaun ne’e limitadu.

“Ne’e duni laiha problema ho osan, osan fundu minaria ne’e tenki mai dala ida ho pakote duodésimu, no aban (ohin) Konsellu Ministru sira sei deside,”relata Sara Lobo.

Nia esklarese, osan duodésimu US$ 20 milloens ne’ebé mak agora iha hela kofre Estadu ne’e, hanesan restu husi US$ 70 milloens ne’ebé VII Governu lideradu Primeiru Ministru, Mari Alkatiri, utiliza ba dezenvolvimentu nasional durante fulan hirak nia laran.

“Desizaun sira kona ba atu selu bens servisu no seluk tan, aban (ohin) Konsellu Ministru sira mak sei deside. Primeiru Ministru bolu mai atu fó servisu balu ba Ministériu Finansas, ko’alia mós desizaun importante balu, maibé aban (ohin) Konsellu Ministru sira sei iha, depois Konsellu Ministru, mak ha’u fó informasaun ba ita bo’ot sira,”katak Sara Lobo.

Kona ba orsamentu duodésimu ne’ebé la sufisiente ona, Sara Lobo, hateten, ne’e lalos, tamba mákina Estadu funsiona normal, no laiha problema ho osan.

Ba preokupasaun orsamentu ba sustenta mákina Estadu, Primeiru  Ministru, Taur Matan Ruak, informa ba Prezidenti Republika Fransisco Guterres ‘Lu-Olo’,  kona-ba preokupasaun Governu nian ba osan duodésimu, liu liu  saláriu vensimentu  no dívida balun ne’ebé Governu tenki selu,  no nia garante ba Xefi Estadu katak, sira sei hala’o diskusaun iha Konsellu Ministru hodi deside.

“Enkontru ne’e konvoka husi Prezidenti Republika, liu-liu haree kestaun ida kona-ba orsamentu, hanesan imi hatene iha VII Governu servisu ho duodésimu deit, dadaun ne’e VIII Governu  preokupa los, tamba ita iha saláriu vensimentu tenki selu, no dívida balun ne’ebé mak ita tenki selu, tamba ne’e ami servisu maka’as los, no ha’u garante ba Prezidenti Republika katak, ami haree hela iha Konsellu Ministru sei diskuti hodi haree osan sustenta mákina Estadu ba fulan Jullu no Agusto,”dehan Xefi Governu ne’e ba jornalista sira iha Palasiu Prezidensial, Bairo Pite-Dili,  Segunda (10/07/2018) hafoin remata  enkontru ho Prezidenti Republika.

PM Taur realsa, loron prazu pose ba membru  Governu besik ona, sira tenki lori ona programa ba Parlamentu Nasional, no tuir orsamentu ba tinan ida ne’e, ne’ebé sei falta fulan hira, prepara orsamentu ba tinan 2019, tamba ne’e iha fulan Outubru tenki lori osan ne’e ba Paralmentu Nasional.cos/oly.


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker