Prezidente Konsellu Konsultivu Fundu Petrolíferu (KKFP), Juvinal Dias, informa, presu mina-rai no gas tun iha mundu, ne’e relasiona ho Corona Virus Disease 2019 (COVID-19), ne’ebé sai pandémia iha mundu tomak, inklui Timor-Leste.
“Presu mina-rai ho gas tun, entaun kuandu mina-rai ho gas nia valor tun otomatikamente valor Greater Sunrise mós nia valor tun, valor ne’e tun tanba iha relasaun ho mina-rai, kuandu presu mina-rai tun nia mós tenke tun, agora presu mina-rai tun seidauk iha situasaun pozitivu, seidauk fó rezultadu di’ak, sei nafatin menus liu 50 dolar por barel, agora 41 no 42 dolar por barel, ida ne’e ladún atraifiku ba situasaun agora”, Prezidente Konsellu Konsultivu Fundu Petrolíferu (KKFP), Juvinal Dias ba GMN, hafoin halo aprezentasaun Polítika Orsamental no Finansas Públika iha Baucau, Sesta (17/07).
Tuir Prezidente KKFP, iha tinan 2012 no tinan 2013, presu mina-rai di’ak, tanba momentu ne’eba presu mina-rai ho USD 100 kada barel, kompara ho tinan 2020.
Nune’e, atu labele fó risku ba fundu mina-rai, Governu tenke investe maka’as iha área agrikultura, indústria no seluk tan, iha rai laran atu ajuda osan mina-rai ne’e.
Entretantu iha tinan ida ne’e Fundu Petrolíferu tun, maibé atu garante ba futuru tenke uza osan mina-rai ne’ebé dau-daun ne’e sei iha, hodi investe iha área oi-oin. Ina
