GMN TV Economia ONU prontu apoia Governu TL rekupera ekonomia rai-laran

ONU prontu apoia Governu TL rekupera ekonomia rai-laran

0 views

Organizasaun Nasaun Unida (ONU), prontu apoia Governu Timor-Leste (TL), hodi rekupera ekonomia rai-laran, tanba ho situasaun COVID-19, empreza barak mak taka nia atividade.

Ajensia espesializada iha Timor-Leste, hanesan Organizasaun Mundial Saúde (WHO), UNICEF, Programa Alimentar Mundial, Programa Nasaun Unida Ba Dezenvolvimentu no UN Women, hala’o sorumutu ho Xefi Governu, Taur Matan Ruak, iha Palásiu Governu, Sesta (10/07/2020).

Koordenadór Rezidenti ONU, Roy Trivedy, hateten, iha enkontru ho Primeiru Ministru esplika kona-ba prioridade Governu nian, situasaun polítika iha rai ida ne’e, impaktu COVID-19 ba saúde, fó mos impaktu ba sosiuekonómiku iha TL, iha momentu ida ne’e Governu prepara hela atu rekupera ekonomia rai-laran.

“Ami-nia papel ONU atu ajuda Governu no sidadaun iha TL, antes ne’e governu anunsia ona kona-ba durante fulan 9 Governu sei suporta sidadaun sira durante Estadu Emerjénsia, agora dadaun iha komisaun ne’ebé lidera husi Dótor Rui Gomes, komisaun ne’e planifika longu prazu ba iha área ekonomia”, dehan Roy Trivedy.

Nia subliña, ONU sei suporta TL liu husi kapasitasaun ba joven sira, inklu toos nain sira.

“Ami mos koalia ho sira kona-ba segurasa alimentar, ami suporta ba sira ne’ebé mak halo toos, no ami sei suporta joven sira liu husi formasaun, edukasaun no seluk tan, realmente Governu iha planu ho parseiru sira, tamba ne’e ami prontu atu apoiu Governu TL”, afirma Roy.

Nia hatutan, iha mundu tomak situasaun ekonomia realmente difisil, iha momentu ida ne’e empreza barak mak monu no taka.

“Tanba ne’e iha TL ami bele suporta Governu, ho planu ekonomia, tamba durante períodu Estadu Emerjénsia ami bele suporta sidadaun sira ne’ebé mak vulneravel, idozu no labarik kiik-oan sira, polítika ida ne’e importante iha mundu tomak, tanba ema ne’ebé riku laiha problema, maibé ema ne’ebé vulneravel sofre ba problema oi-oin”, reafirma Koordenadór Rezidenti ONU ne'e.Cin


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker