Kompañia 20 hato’o ona pedidu hodi taka atividade ekonómika permanente, tanba impaktu husi impase polítiku ne’ebé kleur no aumenta tan ho surtu Corona Virus Disease 2019 (COVID-19) ne’ebé mundu tomak enfrenta.
Lia hirak ne’e informa husi, Diretór Ezekutivu SERVE IP, Florencio Sanches, ho impase polítiku ne’ebé la’o kuaze tinan 3 Servisu Rejistu no Verifikasaun Emprezarial Institutu Públiku (SERVE.IP), simu pedidu husi kompañia 20 katak, hodi taka sira nia atividade, tanba ho situasaun polítika inklui surtu COVID-19, laiha finanseiru.
“Ita sura kedan husi 2017 ne’e kompañia internasionál ema internasionál mak konsege taka mós lubuk ida iha buat rua ne’ebé mak kauza hodi sira hasai desizaun katak impaktu polítiku ne’ebé ita hotu-hotu hasoru sira labele exerse atividades ekonómiku tanba atividade ekonómikus ne’ebé mak di’ak, depois ida ne’e mai ho COVID-19 hodi Estadu ne’e hatur desizaun halo Estadu Emerjénsia ho buat sira ne’e mak halo sira labele duni hodi para atividade kompañia nian”,dehan Diretór Ezekutivu SERVE.IP, Florencio Sanches ba GMN iha nia edifísiu Hudi Laran, Segunda (06/07).
Kompañia internasionál, hirak ne’ebé mak taka ona sira nia atividade, GMN tenta husu pergunta ba Diretór Ezekutivu SERVE.IP, maibé nia parte lakohi sita identidade kompañia ni’an ho razaun presiza respeita privasidade empreza ni’an. No kompañia hirak ne’ebé durante ne’e hala’o atividade iha Timor-Leste, maioria hala’o projetu konstrusaun.
Kona-ba paradeiru traballadór sira ne’ebé mak durante ne’e hala’o serbisu iha kompañia hirak ne’e, GMN seida’uk konfirma ho parte relevante. Ina
