GMN TV Economia Problema iha sistema, pagamentu subsídiu porsentu 60 ba kompañia tarde

Problema iha sistema, pagamentu subsídiu porsentu 60 ba kompañia tarde

0 views

Institutu Nasionál Seguransa Sosiál (INSS) halo ona pagamentu subsídiu porsentu 60 ba kompañia sira, maibé prosesu pagamentu la’o tarde, tanba problema iha sistema.

Prezidente Institutu Nasionál Seguransa Sosial, Longuinhos Armando, hato’o lia hirak ne’e relasiona ho kompromisu Governu nian kona ba atu fó subsídiu ba traballadór sira ne’ebé servisu iha kompañia privadu sira durante Estadu Emerjénsia tanba kompañia sira implementa de’it saláriu pursentu 40 ba traballadór sira.

“Prosesu pagamentu ba subsídiu pursentu 60 tarde tanba osan ne’e halo transfere direta ba konta bankaria traballadór sira nian la’os ba kompañia nia bankaria tanba pagamentu ba subsídiu pursentu 60 ne’e INSS hasoru difikuldade tanba kompañia balun nia traballadór númeru bankaria mate inklui númeru kartaun eleitoral lalos”, hateten Longuinhos Armando ba GMN iha nia knaar fatin Kaikoli, Díli, Kuarta (01/07).

Prezidente INSS ne’e mos informa, hahú husi loron sia halo ona pagamentu ba subsídiu porsentu 60 ba traballadór ne’ebé mak servisu iha kompañia sira.

 “Hahú husi loron sia to’o tolu nolu  fulan Juñu ne’e, INSS halo ona pagamentu ba traballadór 1.694, maibé prosesu pagamentu ne’e la’o tarde tanba problema iha sistema no traballadór sira ne’ebé mak sei hetan subsídiu porsentu 60 husi governu hamutuk rihun 40”,dehan tan.

Entretantu Orsamentu ba pagamentu subsídiu pursentu 60 ne’e hamutuk tokon hitu (7).

Prezidente INSS, Longuinhos Armando, mos rekoñese iha duni primeiru pagamentu ba traballadór balun iha kompañia privadu sira. Maibe balu seidauk tanba tuir faze.

“Prosesu adiantamentu ne’e mos lei fó dalan atu foti osan iha fatin ne’ebé deit  hodi halo pagamentu ba subsidiu pursentu 60 ba traballadór sira hodi hein aprovasaun orsamentu COVID-19 aleinde ne’e Governu mos sei haree kompanhia sira ne’ebé mak halo ona registu iha INSS maibe ho ninia pedidu lahanesan tanba ne’e governu mos sei hare hodi responde ba preokupasaun sira ne’e,informa Longuinhos.

“Ha’u hakarak aproveita atu fó hatene kona-ba kompañia sira ne’ebé halo ona rejistu hahú hosi loron 9 to’o 30 fulan ne’e kompañia hamutuk 2.000  mak  halo ona rejistu iha INSS ho nia traballadór hamutuk 40.000”,dehan nia.

Entretantu total funsionáriu ne’ebé INSS ne’ebé dadaun ne’e toma konta ba prosesu transferénsia subsídiu pursentu 60 ba traballadór sira hamutuk  17.aba


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker