Sekretáriu Estadu Formasaun Profesionál no Empregu (SEFOPE), sei rekruta tan Timor-Oan hamutuk rihun 14 husi Munisipiu Díli ba servisu iha Australia, iha programa seazonal worker.
“Ami iha planu atu halo rekrutamentu ba Timor-Oan, hodi ba servisu iha Australia iha fulan Jullu nia laran”, dehan Diretór Jeral SEFOPE, Paulo Alves, ba JN-Diário, Tersa (07/07/2020), iha Kaikoli, Díli.
Diretór Jeral SEFOPE ne'e hatutan, SEFOPE halo ona rekrutamentu iha munisípiu sira hodi ba Australia hodi servisu iha programa seazonal worker, maibé Díli mak seidauk, tanba ne’e mak SEFOPE sei halo fali rekrutamentu iha Díli ho kandidatu númeru boot.
“Ami espera iha fulan Jullu nian bele finaliza ona rekrutamentu iha Munisípiu Díli, alende ne’e iha Munisípiu Liquica no Oe-Cusse, ne’ebé loron ikus atu halo profesionál profile, tanba kandidatu sira tuir hotu ona ezame no liu ona iha ezame hodi hein hatama ba sistema baze dadus, nune’e bainhira iha kompañia balun husu traballdór, ami bele aprezenta de'it sira nia naran”, afirma Paulo Alves.
Nia dehan, programa refere hodi kontribui ba porsentu 10, taxa kriasaun kampu servisu hosi SEFOPE, alende ne’e responde mós ba orientasaun husi Primeiru Ministru, Taur Matan Ruak, kona-ba SEFOPE tenke servisu nafatin iha área formasaun, oinsa kapasita Timor-Oan sira liga ba industria merkadu no promove Timor-Oan sira ne’ebé iha ona skill ba merkadu rai laran no rai liur.
“Polítika ida ne’e ami sei kontinua, tanba SEFOPE halo ona akordu ho Governu Australia no Korea, no oras ne’e governu Korea sei husu nafatin kontratu Timor-Oan atu ba servisu iha Korea ho total 200 e tall, tanba ne’e ami halo hela preparasaun hodi fó ezame ba kandidatu sira nune’e bele priense kuota ne’ebé menus daudaun”.
Enkuantu, dau-daun ne’e Timor-Oan ne’ebé sei servisu iha Australia hamutuk 1.131 no Korea hamutuk 2.766. Fel
