Traballadór 320 husi kompañia Díli Development Company. Lda (DDC) Timor-Plaza, to’o agora seidauk simu sira-nia saláriu porsentu 60.
Traballadór DDC Timor-Plaza, Aquelino Soares, hateten, durante situasaun Estadu Emerjénsia (EE), sira kontinua halo servisu hanesan bain-bain, maibé to’o agora sira seidauk simu saláriu porsentu 60.
Maske Ministériu Solidariedade Sosiál no Inkluzaun (MSSI) liu husi Institutu Nasional Seguransa Sosial (INSS), haruka ona osan porsentu 60 ba konta bankária empreza ni’an.
Tanba ne’e, traballadór atus tolu resin, halibur malu iha edifísiu DDC Timor-Plaza, hodi husu informasaun loloos kona-ba fallansu ne’e.
“Ami hamutuk iha ne’e atu buka informasaun de’it, tanba ita hotu hatene katak staff sira ne’ebé durante e servisu hamenus oras, ita-nia Governu sei fó 60%, ho ida ne’e ami hetan informasaun ne’ebé diferente husi ita nia Governu no kompañia, ne’e mak ami mai iha ne’e atu buka informasaun”, dehan, Traballadór Aquelino Soares ba GMN iha Timor-Plaza, Kuarta (15/07).
Hatán ba kestaun ne’e, Diretór Kompañia DDC Timor-Plaza, Tony Jape, hateten, sira halo ona enkontru ho traballadór sira no iha ona konkordansia entre traballadór ho kompañia, no iha tempu badak sei halo pagamentu.
“Ami sei halo pagamentu ba traballadór sira durante iha loron 2 nia laran, ami simu ona 60% husi Governu seguransa sosial mai konta bankária empreza ni’an, ami ni’an no ami sei selu fila-fali ba ami nia traballadór sira ni’an”, dehan tan.
Traballadór sira ne’ebé mak ladauk hetan sira-nia direitu, mai husi diresaun Administrasaun, Finansa, Operasaun, IT no seluk tan. Ina
