GMN TV Economia MINISTÉRIO FINANÇAS SEI MUDA KONTA BANKARIA BNU BA BNCTL

MINISTÉRIO FINANÇAS SEI MUDA KONTA BANKARIA BNU BA BNCTL

0 views

Diretor ba Diresaun Nasionál Transporte no Terrestres (DNTT)  Natalino do Rosario, hatete,   Ministério  Finansas (MF) sei muda  konta bankaria durante  ne´e iha Banco Nacional Ultramarino (BNU) ba Banco Nacional do Comercio de Timor-Leste (BNCTL), atu nune´e bele fasilita kliente partikularmente motorista bele selu ho lalais liu.

Nia dehan, durante ne´e  kliente  sira barak mak kestiona, tanba wainhira trata dokumentu no atu  halo inspeksaun motorizadaza, dala ruma halai ba mai de´it depois ba selu tan iha Banko. ``Uluk BNU husi primeiru Diretor DNTT to´o ha´u nia tempu  halo tiha karta ba  BNU atu bele loke sira-nia unidade iha fatin sira tratamentu dokumentu motorista no kareta nian, maibe la konsege, tanba  kestoens sira nian, tanba  ne´e mak  ami halo ekontru ida fali  ho BNCTL nune´e mós ho Ministériu Finansas,  tanba konta bankaria kobra reseitas  ne´e la´os Ministériu Obras Públikas Transportes  Komunikasoens nian, maibe konta bankaria  MF nian. Tanba  ne´e mak iha momentu ne´eba konkorda katak,  tenki muda konta bankaria  ne´e ba BNCTL,``informa Natalino do Rosario ba GMN, Sesta (04/08/2017), iha Akanunu, Postu Administrativu Kristu-Rei, Munisípiu Díli. Nia dehan, to´o agora dadauk  BNU seidauk estabelese sira-nia unidade iha  Munisípiu sira hodi atende kliente motorista sira. ``Agora  ita haree  fila-fali ba BNCTL nia iha Munisípiu kobre  hotu ona. Ho razaun ne´e mak  ita muda konta bankaria husi BNU ba BNCTL. Tempu badak  BNU sei loke mós sira-nia unidade ida iha Akanunu,``dehan Natalino do Rosario. Entertantu,uluk kliente sira atu trata sira-nia dokumentu ruma tenki selu iha DNTT. ``Maibe ita atu evita risku ruma mak ita haruka klienta ida-idak tenki ba selu  iha banku. Tanba  ne´e mak Munisípiu sira Baucau, Viquque, Lospalos, Covalima, Bobonaro iha tinan rua ba kotuk ida-idak diretamente selu iha Banko,``hatete Natalino do Rosario.avi


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker