GMN TV Economia TL IHA TAN MOEDA FOUN CENTAVUS 200

TL IHA TAN MOEDA FOUN CENTAVUS 200

0 views

Banco Central Timor Leste (BCTL) hahuu halo desiminasaun publiku ba moeda foun Timor Leste nian ho valor centavus 200 ka nia ekivalensia ba US$ 2,00.

Tuir planu BCTL nian katak, iha loron 13 Setembru 2017, sei halo lansamentu ofisial ba utilizasaun moeda foun centavus 200. Hahuu Kinta (24/8/2017), BCTL divulga publikamente informasaun sobre moeda 200 ne’ebe iha desenho osan ne’e nia kontein elementu sira ne’ebe maka parte husi povu nia istoria no kultura. Centavus 200 mak moeda ba dahituk nian ne’ebe foin intrudus husi BCTL no iha nia imagem espesifiku no karakteristika teknika espesifika,  mak foho matebian nudar fatin ida ne’ebe representa luta ba indepedensia no iha imagem karau timur no natar ne’ebe representa Timor-oan hotu nia moris lor-loron.  “Ita halo efisiensia no poupança. Osan dólar Amerika ita importa husi Amerika maka mai no kada importasaun nia kustu relativamente boot, tanba aleinde ita selu kustu ba transporte no seguransa no mos ba asuransi, ita mos selu ninia pezu ne’ebe maka ita importa. Nune’e Banku Central asumi kustu ida boot tebes,” informa Governador BCTL, Abrão de Vasconselos, liu husi komferensia imprensa iha salaun enkontru BCTL, Akait, Dili. Introdusaun moeda foun ho nominasaun as atu gradualmente troka osan tahan ho dólar lima, tanba osan tahan at lalais iha klima tropiku, li-liu bainhira utiliza bei-beik. “Ida ne’e reprezenta poupa mai husi nasaun ne’e. Hanesan iha tinan 2013 bainhira Banku Central introduz centaus 100 iha redusaun kustu ne’ebe maka boot tebes no agora ita iha deit mais de três milhões um dólar deit maka iha sirkunstansia no restu BCTL haruka fila fali. Agora ita iha centavu 100 denominasaun ne’ebe maka iha sirkulasaun agora ho montante ida ne’ebe sufisiente,” esplika Abrão de Vasconselos. Governador BCTL ne’e esklarese mos katak,  ho centavos 200 espera katak BCTL sei gradualmente hamenus importasaun US$ 5,00 to’o iha momento ida bainhira nesesidade permite sei la halo tan importasaun ba US$ 5,00. Moeda centavus 200 nia sasukat boot liu oitoan centavus 100 no osan moeda ne’e bele dura to’o tinan 30. Moeda foun ne’e nia material no kor kontrariu ho moeda centavos 100, parte ninin ho kor osan mutin (cupro-nickel) no parte klaran ho kor osan mean (aluminiu bronze). Osan centavus 200 ne’e produs iha Australia husi kompaña Royal Australia ne’ebe manan iha konkursu internasional ba produsaun osan refere.   Atu bele haklaken diak liu tan utilizasaun ba moeda centavus 200 ne’e, Abrão de Vasconselhos hateten katak, ekipa BCTL sei vizita munisipiu hotu atu divulga ba publiku dezeño osan besi foun, no esplika kona ba nesesidades intrudus denominasaun foun ne’e. mia


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker