GMN TV Economia IMPASE POLÍTIKU IMPLIKA SASAN IHA MERKADU LA FOLIN ■ UKUN NAIN LABELE HANOIN-AN DE'IT

IMPASE POLÍTIKU IMPLIKA SASAN IHA MERKADU LA FOLIN ■ UKUN NAIN LABELE HANOIN-AN DE'IT

0 views

Impase polítika ne’ebé la’o durante ne’e entre Prezidenti Repúblika (PR), no Governu fó implikasaun bo’ot ba povu ki’ik nia moris loron-loron, liu-liu sira ne’ebé fa’an sasan iha merkadu.

Povu ki’ik sira ne’ebé loron-loron hulan sira-nia produtu hanesan modo tahan, fehuk, hudi no seluk tan ba merkadu ho laran metin katak, sei hetan netik dolar ida ou rua ba hahan família nian loron ida, maibé esperansa ida ne’e namlele.

Modo tahan sira ne’e rai iha merkadu to’o namalaek, no hudi tasak sira ne’e mós rai to’o dodok, maibé laiha ema ida atu ba fihir sira nia produtu ne’e, tanba dolar laiha.

Ho situasaun ida ne’e, halo povu triste, no hamosu perguntas iha sira nia ulun katak, tanba saida mak ema la ba hola sira nia sasan.

 “Ami nia moris mak lor-loron fa’an modo iha merkadu hodi fila liman buka osan atu sustenta moris lor-loron nian, maibé situasaun agora ne’e lahanesan ho uluk tanba modo tahan sira ne’e ema la mai sosa ona. Situasaun ida ne’e ita kompara ho tinan kotuk ema sei mai sosa, loron ida ami bele hetan  US$ 20, maibé agora loron ida hetan de’it US$ 5. Dalaruma konsumidores sira mak osan laiha, tanba situasaun ida ne’e bele fó mos impaktu ba povu tomak nia moris.  Tanba ne’e husu ba nai ulun sira atu hanoin didiak hodi haree povu nia susar, labele haree nai ulun sira nia’an no grupu hodi povu mak sai vítima,”hateten vendedor Marcos da Silva ba GMN iha Merkadu Manleuana, Dili, Segunda (06/08).

Tuir Marcos, polítiku  nain sira hadau malu poder, maibé povu ki’ik sira mak sofre, polítiku sira hadau malu kadeira, povu ki’ik mate hamlaha.

“Midar iha ibun tutun, moruk iha fuan laran, tanba iha tempu kamapña promete oin ida, hetan tiha poder, abuza fali poder.  Polítika ne’e, povu presiza asaun, la’os mai ho promesa. Polítiku sira hadau malu poder povu mak sai vítima. tanba ne’e, ami husu ba polítiku nain sira atu para ona, tanba buat sira ne’ebé nai ulun sira halo ne’e, povu mak sai terus nafatin, nai ulun sira diak hela tanba fulan-fulan hetan osan bo’ot husi Estadu, maibé povu ki’ik sira buka servisu liu husi fila liman hodi buka osan atu sustenta nia oan ba eskola, nomós hodi fasilita vida moris lor-loron nian,” dehan Marcos.

Entretantu Maria de Fátima hanesan negosiante roupa obralan iha Aimutin mós senti triste, tanba ikus-ikus ne’e, ema la hola ona sira-nia roupa obralan.

“Situasaun polítika ne’e afeta liu ba povu ki’ik sira, tanba durante ne’e konsumidor sira ladun sosa ona obralan, kompara ho tinan kotuk.  Tanba ne’e husu ba nai ulun sira atu hakotu ona impase polítiku ne’ebé oras ne’e sei la’o hela iha ita-nia rai,” katak Maria.aba


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker