GMN TV Economia KM APROVA OJE 2018 HO MONTANTE US$ 1.2 BILLAUN

KM APROVA OJE 2018 HO MONTANTE US$ 1.2 BILLAUN

0 views

Ekontru Konsellu Ministru extra-ordinária ne’ebé hala’o iha Kinta (02/08), aprova ona lei proposta Orsamentu Jeral Estadu 2018, ho montante US$ 1.2 billiaun.

Ministru Estadu Konsellu Ministru, Agio Pereira, informa, enkontru Konsellu Ministrus extra-ordinária ne’e, Governu haree kona ba lei orsamentu Jeral Estadu 2018 nian, no halo hela preparasaun atu hatun OJE 2018 ba Parlamentu Nasional, tanba Parlamentu mós hakarak atu simu proposta OJE 2018 iha loron 6, fulan Agusto, semana oin.

“Orsamentu Jeral Estadu 2018 aprova ona, atu hatun ba Parlamentu Nasional. Orsamentu nia total mak, US$ 1.2 billiaun,” informa Agio Perreira ba jornalista sira iha Palasiu Governu, Kinta (02/08).

Nia haktuir, Governu propoin OJE 2018 ho montante US$ 1.2 billiaun, tanba tinan ida ne’e Governu seidauk iha orsamentu Jeral Estadu.

“Ita la’os halo retifikativu, maibé ita halo Orsamentu Jeral Estadu 2018, haree ba tinan tomak ninian, hanoin mós ba 2017, iha kompromisu no obrigasoens ne’ebé Estadu tenki asume,” relata Agio Perreira.

Alende ne’e, Agio mós informa, iha enkontru Konsellu Minstru ne’e mós, diskuti kona ba kandidatu atu substitui Brigadeiru Jeneral Filomeno Paixão ne’ebé dadaun ne’e asume ona pasta Ministru Defeza.

“Konsellu Ministru liu husi Primeiru Ministru, sei hato’o proposta ba Prezidenti Repúblika hodi konsidera,” informa Agio Pereira.

Hatan kona ba kandidatu atu substitui Filomeno Paixão mak se, Agio Pereira, dehan, nia labele fó sai ema nia naran lai, tanba Primeiru Minsitru seidauk hato’o proposta ba Prezidenti Repúblika.cos


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker