GMN TV Economia Relatóriu RAEOA-ZEESM laiha, Difikulta MPF prepara OJE 2018 ►Autoridade RAEOA tenki entrega lalais

Relatóriu RAEOA-ZEESM laiha, Difikulta MPF prepara OJE 2018 ►Autoridade RAEOA tenki entrega lalais

0 views

Ministra Planu no Finansa (MPF) interina, Sara Lobo Brites, konfirma ba reprezentante povu iha Parlamentu Nasionál (PN), katak MPF seidauk hetan relatóriu husi parte Rejiaun Administrativa Espesial Oe-cusse Ambeno (RAEOA) no Zona Espesial Ekonomia Sosial Merkadu (ZEESM), tanba ne’e difikulta Governu iha faze preparasaun Orsamentu Jeral Estadu (OJE) tinan 2018.

Tanba ne’e Governu la prevé montante orsamentu bo’ot ba ZEESM iha OJE 2018 nian.

“Difikuldade seluk mak ami hetan iha MPF, liu-liu ami-nia papel ne’ebé mak atu prepara orsamentu, infelizmente, ami laiha asesu ba relatóriu husi ezekusaun RAEOA-ZEESM nian, ida ne’e difikulta tebes ami atu prepara orsamentu ida ne’ebé bele sukat mós hira mak RAEOA nia ezekusaun, no iha mak saldo, tanba RAEOA mós la uza sistema ne’ebé mak ita uza, sistema free balance, tanba ne’e ami labele hetan asesu ba informasaun,”esplika Ministra finansa interina Sara Lobo ba deputadu sira, liu hosi audiénsia públika ho komisaun C, Sesta (18/08/2018).

Governante ne’e mós rekoñese, RAEOA presiza tan osan duni ba kapital menor, maibe Governu aloka de’it ba transferénsia públika no seluk tan, nune’e depende mós ba Parlamentu atu apoia kestaun ne’e.

“Kona-ba prosesu alokasaun orsamentu ba RAEOA ZEESM, loos duni iha prosesu ida ne’e, prosesu alokasaun OJE 2018, iha ne’e ami tau de’it US$28 milloens, iha transferénsia públika, diskrimina kedas hira mak ba iha salariu no hira mak bens servisu, maibe ida ne’e depende ba iha RAEOA halo ezersisiu internu, maibe ami mós simu duni informasaun katak, RAEOA presija tan osan, hanesan deputada sira hateten, prosesu ne’e agora submete ona mai iha PN, ami mós depende ba PN atu haré oinsa atu haré ba ida ne’e, tanba iha kapital menor ne’ebé governu tau, ida ne’e atu hola ekipamentus ne’ebé iha tempu bele prosesa atu fó apoiu ba gabinete sira ne’ebé iha VIII Governu nian,”hateten Ministra finansa interina.

Iha okaziaun ne’e, Sara Lobo husu ba autoridade RAEOA atu bele entrega relatóriu RAEOA ba MPF, atu nune’e bele halo análiza ba orsamentu jeral Estadu nian, liu-liu ba tinan 2019.

“Depende mós  ba iha autoridade RAEOA nian atu aprezenta relatóriu, karik kopia ruma ami bele hetan, mak sei ajuda tebes ami, liu-liu iha preparasaun ba OJE 2019 nian, to’o agora ami lahetan relatóriu ruma, ami rona dehan hatama iha UPMA, hau orienta diretor sira ba buka tuir to’ok keta iha relatóriu ruma, para ita bele halo análiza, hodi haree saida mak ita bele halo, para oinsa ministériu finansa bele tau iha konsiderasaun atu bele fó apoiu, liu-liu iha faze preparasaun orsamentu,” dehan Sara.

Antes ne’e, adjunta prezidente autoridade RAEOA-ZEESM Nelia Monteiro, hateten, orsamentu ne’ebé VIII Governu prevé ba RAEOA, la sufisiente atu kompleta infra-estrutura balun ne’ebé iha hela prosesu nia laran.

Maibe Nelia hateten tan, nia parte sei ezekuta tuir kapasidade montante ne’ebé Governu prevé ona.

“Ba rejiaun osan ne’e la sufisiente, tanba sira fó de’it kategoria orsamentu ba transferênsia públika, bens servisu no salariu vensimentu, maibe ita hatene katak, iha RAEOA ne’ebé prosesu preparasaun kondiseons infra-estrutura ne’ebé iha tiha ona, postu saúde no eskola sira iha sub rejinais balun sira, nune’e presija iha alokasaun ba kapital menor, hodi kompleta dezeñu interior, liu-liu hanesan mobiliariu, ekipamentus ba saúde, ne’ebé presija koloka, maibe ami la rejeita no simu orsamentu ida ne’e, ami sei ezekuta tuir orsamentu jeral ne’ebé mak aloka ba RAEOA,”hateten Nelia Monteira.

Adjunta Prezidente RAOEA ne’e haktuir, antes rejiaun hato’o proposta atu prevé millaun US$112, maibe Governu prevé fali millaun US$28.

“Tuir loloos ami nia proposta ne’ebé mai prevé millaun US$112 ba kategoria 4, hanesan salariu vensimentu, bens servisu, tranferensia públika no kapita dezenvolvimentu, maibe bainhira VIII Governu atu aloka fila fali orsamentu ida ne’e, sem koñesimentu husi autoridade, no ami lasimu informasaun ruma husi autoridade, liu-liu Prezidente autridade RAEOA nian, maibe ami haré ba proposta OJE ne’e iha ona millaun US$28, entaun ami buka konfirma tekniku finansa, atu hatene loloos, tanbasa  mak aloka ba RAEOA ho montante millaun US$28 de’it, tanba ita haree de’it katak, planu ba projetu ne’ebé mak ba planeadu 2018 tenke selu, maibe alokasaun ne’e iha de’it millaun US$28, ami buka konfirma ho Prezidente autoridade Marí Alkatiri no vise ministra finansa para hatene loos tanba sa mak millaun US$28 de’it,”dehan adjunta Prezidente RAEOA.

Enkuantu iha proposta OJE 2018, VIII Governu prevé US$28 milloens ba RAEOA-ZEESM, atu ezekuta iha tinan 2018, ba kategoria Bens servisu, salariu vensimentu no transferénsia públika.Say


Banner

Foto

Notisia Ikus

Governu sei distribui meza-kadeira ba eskola sira iha territóriu nasionál

May 16, 2022
Governu liuhosi Ministériu Edukasaun Juventude ...

RI-TL konkorda diskute uluk fronteira terrestre

May 16, 2022
Embaixadór Repúblika Indonézia (RI), Okto Dor...

Xanana: Horta sai PR ne’e povu nia vitória

May 16, 2022
Prezidente Partidu CNRT, Kay Rala Xanana Gusmão...

PN haruka Proposta-Lei OR ba PR Lú Olo

May 13, 2022
Parlamentu Nasionál (PN), haruka Proposta-Lei O...

PR eleitu sei deklara TL prontu adopta DFU

May 13, 2022
Prezidente Repúblika (PR) eleitu, José Ramos H...
1 2 3 726

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker