GMN TV Economia Tempu ezekusaun OJE limitadu, TR la prevé osan barak

Tempu ezekusaun OJE limitadu, TR la prevé osan barak

0 views

Tempu ba ezekusaun Orsamentu Jeral Estadu (OJE) tinan 2018 ne’ebé hela de’it fulan 4, Setembru to’o Dezembru, Tribunal Rekursu (TR) sei la prevé osan barak iha proposta lei nú 2/V (1ª) OJE 2018 nian, relata Prezidente Tribunal Rekursu, Deolindo dos Santos, hafoin marka audiénsia públika ho komisaun A Parlamentu Nasionál, Sesta (17/08/2018).

Líder órgaun judisiáriu ne’e afirma, Tribunal prevé de’it osan ba nesesidade importante Trinunal nian, hanesan saláriu vensimentu, bens servisu no seluk tan. Maibe ba setór importante seluk, sei prevé de’it iha OJE 2019 nian, tanba 2018 tempu limitadu ona.

“Tempu badak liu ona, hela de’it fulan 4 ne’e, Tribunal la prevé orsamentu ba buat seluk, maibe prevé de’it ba bens servisu, saláriu vensimentu ne’ebé sei ezekuta iha tempu badak nia laran, iha fulan hirak nia laran ba 2019 mak sei prevé tan,” informa Deolindo ba jornlalista hafoin halo apresiasaun OJE iha komisaun A trata asuntu justisia no konstitusional.

Prezidente Tribunal Rekursu ne’e afirma tan, montante orsamentu ne’ebé Tribunal prevé, natoon de’it ba nesesidade importante órgaun judisiáriu nian, bazeia ba kapasidade ezekusaun ho tempu ne’ebé limitadu.

“Total orsamentu ne’ebé ami husu ne’e, husu tuir ami-nia nesesidade, no sente katak orsamentu ne’e to’o duni ba ami-nia nesesidade, tanba ami labele husu liu hosi ami-nia kapasidade atu ezekuta, hela fulan hira nia laran de’it, ne’ebé ami la tau osan bo’ot, tanba ho konsiderasaun katak, ami tenke ezekuta halo di’ak iha fulan hirak nia laran, tanba ne’e ami tau orsamentu ne’ebé natoon de’it, iha 2019 mak ami sei tau osan barak oituan, atu bele haree servisu Tribunal nian ho di’ak liu tan,”dehan dehan Deolino.

Proposta lei nú 2/V (1ª) Orsamentu Jeral Estadu ne’ebé VIII Governu aprezenta ba Parlamentu Nasionál atu diskute no aprova, prevé ba Tribunal, hamutuk montante millaun US$2,974.

Iha loron hanesan, komisaun A trata asuntu justisa no konstituisional mós marka audiénsia ho Prokuradoria Jeral Repúblika (PJR) no Provedoria Direitu Humanu no Justisa (PDHJ) hodi halo apresiasaun ba OJE 2018.

Enkuantu, PJR ne’ebé prevé montante millaun US$2,594 iha OJE 2018 no Provedoria Direitu Humanu no Justisa (PDHJ) prevé montante millaun US$1,107.Say


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker