GMN TV Economia Tinan ne’e, Fábrika TL Cement Baucau hahú nia produsaun

Tinan ne’e, Fábrika TL Cement Baucau hahú nia produsaun

0 views

Diretor TL Cement, James Rhee,  hasoru malu ho Primeiru Ministru (PM), Taur Matan Ruak, hodi informa kona ba preparasaun sira nian atu loke fábrika simentu iha Aldeia Kaisidu, Suku Tirilolo Munisípiu Baucau.

Iha sorumutu ho Taur Matan Ruak ne’e, James Rhee informa katak, fábrika simenti ne’e sei hahú iha tinan ida ne’e.

“Ami esplika ba Primeiru Ministru, Taur Matan Ruak no Prezidente Konsellu Ministru Ministru Agio, kona-ba oportunidade diak iha Rejiaun Baucau nu'udar simenti TL. Ida ne'e interese nasional ida atu dezenvolve empregu no Industria. No ami esplika ba Pimeriu Minsitru katak, iha oportunidade empregu full-time rihun ida resin iha TL Cement, espesialmente iha rejiaun Baucau. No ami aprezenta mós ba Primeiru Ministru kona-ba oportunidade diak ba dezenvolvimentu infra-estrutura iha área refere, hanesan industria jetty no fábrika,” informa James Rhee ba jornalista sira iha Palácio Governu, Kuarta (21/08), hafoin hasoru malu ho PM Taur.

Tuir planu, fábrika simenti ne’e, sei hahú iha tinan ida ne’e, ho traballador Timoroan rihun ida (1000) resin.

“Ami enprinsipiu espera atu hahu tinan ida ne'e. Tinan ne'e ami hakarak hahú konstrusaun sentru formasaun, no faze hotu husi konstrusaun jetty. Entaun, komunidade hotu iha Baucau hein hela projetu ida ne'e,” relata James Rhee.

James haktuir, rona esplikasaun kona ba progresu fábrika simenti ne’e, Primeiru Ministru, Taur Matan Ruak kontenti tebes, no promete atu suporta povu Baucau kona ba fábrika ne’e.

“Primeiru Ministru  kontenti los atu suporta projetu konjuntu entre Australia no Timor-Leste ne'e. Tan ne'e, ida ne'e hanesan projetu ida iha ne'ebé parte rua ne'e manan hotu hanesan belun liu husi industria no dezenvolvimentu,” katak James.

Hatan kona ba dezafiu saida mak impede fábrika simenti ne’e, James esplika, dezafiu primeiru mak sira ema foun iha Timor Leste.

“Ami foun tebes mai fatin ne'e,  entaun hetan konfiansa husi komunidade lokal sira bele sai hanesan dezafiu ida. Maibé ami harii ona iha tinan lima ne'e nia laran, relasaun forte ida ho komunidade. Tan ne'e, komunidade tomak suporta ami atu dezenvolve projetu ida ne'e. Ita sei servisu hamutuk ho komunidade Baucau atu garante katak, projetu ida ne'e sei akontese iha ne'eba,” tenik James.

Fabrika ne’e, sei hahú ho selesaun ba ema atus tolu atu tuir formasaun kona ba étika servisu no lian inglés, no ema atus tolu ne’e mak sei sai fali treinador ba traballador sira ne’ebé mak sei servisu iha fábrika simenti ne’e.cos


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker