GMN TV Economia BNCTL sei dezenvolve ekonomia iha RAEOA

BNCTL sei dezenvolve ekonomia iha RAEOA

0 views

Prezidente Autoridade Rejiaun Administrativa Espesiál Oe-Cusse Ambeno (RAEOA), Arsénio Bano, hateten, nia parte sei servisu hamutuk ho Banco Nacional do Comercio de Timor-Leste (BNCTL), hodi promove ekonomia iha RAEOA.

Tuir nia, autoridade RAEOA presiza duni halo parseria ho BNCTL hodi bele servisu hamutuk iha área oi-oin iha futuru mai no mós BNCTL bele fasilita autoridade no setór privadu sira oinsa bele dezenvolve ekonomia iha RAEOA.

Ami kontente tebes ho prezensa delegasaun BNCTL husi nasionál ni’an bele halo enkontru ho ami, tanba durante ne’e BNCTL ajuda barak ona hodi kontribui dezenvolvimentu ekonomia ba autoridade RAEOA no populasaun iha Oe-Cusse, liu-liu atividade halo negósiu iha merkadu no seluk tan. Tanba ne’e enkontru ida ne’e importante tebes ba autoridade RAEOA atu bele kontinua servisu hamutuk ho parte BNCTL hodi dezenvolve ekonomia iha RAEOA”, Prezidente RAEOA ne’e ba GMN iha edifísiu RAEOA, hafoin hala’o enkontru ho delegasaun BNCTL nasionál iha edifísiu RAEOA, Sábadu (22/08/2020).

Arsénio promete, sei servisu hamutuk ho BNCTL hodi promove ekonomia iha RAEOA.

“Autoridade mós sei esforsu maka’as atu oinsa ba oin bele servisu hamutuk ho BNCTL, hodi promove ekonomia iha Oe-Cusse hodi halo negósiu sira, tanba ne’e hanesan autoridade prontu atu servisu hamutuk, hodi serve povu nia moris ba iha dalan naroman”, nia dehan tan.

Autoridade BNCTL, Brígido de Sousa, prontu servisu hamutuk ho autoridade RAEOA, hodi dezenvolve ekonomia iha área oi-oin.

Autoridade BNCTL ne’e hateten, BNCTL sei loke kréditu ba populasaun sira iha RAEOA, hodi fasilita populasaun sira bele halo sira-nia negósiu, hodi hadia ekonomia iha RAEOA.

“Enkontru ho Prezidente Autoridade RAEOA ne’e atu imforma servisu BNCTL ni’an ne’ebé durante ne’e halo ona iha RAEOA no kontinua diskute mós oinsa ba futuru atu bele halo koordenasaun di'ak hodi fo rezultadu di'ak ba autoridade RAEOA ho ninia populasaun atu kria mekanizmu ruma  ho dalan fó kréditu ba setór privadu sira, inklui mós ba populasaun sira liu hodi atividade negósiu, nune’e sira bele hadia sira-nia moris, mezmu tempu osan bele halo sirkulasaun iha RAEOA”, tenik Brígido.

Entretantu dau-daun ne’e banku rua mak eziste iha RAEOA hanesan BNCTL no mós BNU, hodi fasilita autoridade no komunidade iha RAEOA.

Entantu RAEOA ho nia sub-rejiaun haat, kompostu Pante Makasar, Oesilo, Nítibe no Passabe. aba


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker