Prezidente Centro Logistico Nacional (CLN), Augusto Junior, hateten, maske iha saku foos ne'ebe haruka mai husi Vietname ninia ninin hakerek 15%, maibe Governu garante katak foos refere ninia kualidade diak, tanba, iha ona akordu entre nasaun rua katak foos hirak ne’e tenki prodúz iha tinan 2020.
“Iha oportunidade ida ne’e hakarak mos halo klarifikasaun ba intidade tomak iha Timor-Leste, relasaun ho marka CLN depois iha saku afinal hakerek broken 15%, broken ne’e atu hateten katak, iha saku ne’e atu hateten katak, ne’e termolojia broken ne’e, ne’e termolojia espesífikasaun tekniku ida, relasaun ho prosesu tomak, hahú husi prosesu hare kulit ba dulas hare, sai to’o foos, ne’e espesífiku tekniku ida, ida ne’ebé tenki tau duni, tanba ne’e koopersaun billateral entre nasaun rua,” hatete, Augusto, ba Jornalista sira, Segunda(17/08/2020), iha ninia kna’ar fatin Bebora Díli.
Augusto reforsa liu tan, foos hirak ne’ebé mai ne’e, liu husi teste hotu hodi haree ba kualidade husi foos refere antes importa mai tanba ne’e, maka Governu garante ninia kualidade diak.
“Sertifikasaun ida husi kompañia privadu ida husi Vietname naran SJS Vietnam Lda, sira maka halo inspesaun, halo teste laboratorium kona-ba kualidade husi foos ne’e, entaun sira prodúz dokumentus ida ne’e atu hatete katak foos ne’ebé mai iha Timor ne’e layak, para ita atu konsumu, katak ne’e foos diak, agora kona- ba broken ne’e hanesan ohin ha’u dehan tiha ona, ne’e intrepretasaun termolojia, espesifiksaun tekniku deit, agora maluk sira balun hatete haree iha ne’e broken ne’e,broken ne’e intrepreta a’at, broken ne’e dehan foos ne’e dodok, iha broken atu hatete lolo’os katak nia iha tutun ne’e tohar,” esplika, Junior.
Prezidente CLN ne’e mos husu ba konsumidor hotu atu labele fiar ba imajen hirak ne’ebé públika iha media sosial, tanba informasaun ne’e la lo’os, no nia mos husu, nafatin fiar ba Governu tanba sei la oferese buat ne’ebé át ba ninia populasaun, mesmu ho rekursu ne’ebé limitadu. Jen
