Servisu Rejistu Verifikasaun Emprezariál Institutu Públiku (SERVE.IP), simu pedidu husi kompañia 20, atu taka atividade permanente.
Diretór Ezekutivu SERVE.IP, Floréncio Sanches, esplika, razaun kompañia hirak ne’e, hatama pedidu, taka sira nian atividade, tanba, laiha ona finanseiru, atu kontinua sira nian servisu.
Floréncio Sanches esplika, kompañia hirak ne’ebé desidi taka permanente nia atividade fó impaktu negativu ba roda ekonomia iha rai laran.
Husi kompañia 20 ne’ebé mak hatama pedidu, taka sira nia atividade permanente, maioria empreza internasionál.
“Fulan ida ne’e seida’uk remata, maibé pedidu ne’ebé tama mai iha SERVE atu taka sira nia atividade kompañia lubuk ida ita kompara ho fulan 7 ba kotuk iha fulan 7 ba kotuk sé ita husi Janeiru mai to’o iha Marsu antes de Estadu Emerjénsia primeira vez aplika ida ne’e SERVE simu pedidu 7 de’it i sira ne’e taka permanente, tama fila fali fulan Agustu númeru ne’e dobru pedidu tama 20 ida ne’e númeru la di’ak ba ita 20 ne’ebé ke ita prosesu laran 17 taka permanente sira seluk ami sei verifika katak bele ou labele sira tenke taka”, dehan, Diretór Ezekutivu SERVE.IP, Florencio Sanches ba GMN iha nia Edifísiu, Hudi Laran, Sesta (28/08).
Floréncio informa ba kompañia hirak ne’ebé husu ona pedidu taka atividade lei, la fó dalan atu reativa fali.
Tuir dadus hatudu, kompañia hirak ne’ebé dadaun ne’e rejistu iha SERVE no sei mantein atividade besik rihun tolu nulu. Ina
