Pagamentu ba idozu sira, iha teritoriu Timor-Leste (TL), Governu hahú ona iha segunda loron 03 fulan ne’e.
Tuir lolos pagamentu hala’o iha fulan Juñu, maibé, la konsege, tanba iha fulan Juñu, Governu halo pagamentu ba subsídiu famíliar, relasiona ho COVID-19.
Pagamentu ba idozu sira, Institutu Nasional Seguransa Sosial (INSS), serbisu hamutuk ho Banco Nacional Comersio Timor-Leste (BNCTL), hodi halo pagamentu ba ferik no katuas sira iha teritoriu Timor-Leste.
Orsamentu ne’ebé mak Governu uza hodi halo pagamentu ba idozu sira ne’e, nia montante USD liu millaun 17.
“Ba ita nia idozus ne’e ita hahú komesa dia 01 de Agustu mais tanba dia 01 de Agustu monu iha sabadu ita hahú iha dia 03 Segunda foin dadauk ne’ebé agora tama ona ba loron haat ni’an halo ona pagamentu iha teritoriu tomak, só iha Oe-Cusse mak ita sei hein oituan tanba ita sei tenke lori osan ba’, dehan, Prezidente INSS, Longuinhos Armando ba GMN, iha Caicoli, Kinta (06/08).
Longuinhos Armando afirma, pagamentu ba idzou sira ne’e, seidauk iha previzaun bainhira mak atu finanliza, tanba depende ba situasaun atual.
Tuir dadaus ne’ebé mak institutu nasional seguransa sosial iha, idozus iha teritoriu Timor-Leste, besik rihun atus ida. Ina
