GMN TV Economia Hapara kontratu, Traballadór kompañia Café Aroma no Casa Vida ezije indemnizasaun

Hapara kontratu, Traballadór kompañia Café Aroma no Casa Vida ezije indemnizasaun

0 views

Porta Voz Berta Ornai Neto sente la satisfaz ho desizaun kompañia Café Aroma no Casa Vida ne’ebé hapara sira husi servisu, tanba durante tinan naruk sira hala’o kna’ar iha kompañia refere ne'e sein iha kompensasaun ruma, ho razaun kompañia laiha ona finanseiru hodi selu traballadór sira.

“Ami ezije ba ita boot sira nu’udar dirijente iha empreza Café Aroma no Casa Vida mak hanesan Diretóra no membru board sira atu selu ami nia Indemnizasaun tuir artigu 55, lei no. 4/2012, tanba hapara ona ami hamutuk 15 pesoas husi ami nia servisu. Kompañia tenke ona atu emprega fila–fali ami traballadór sira ne’e. Se karik empreza lakohi selu Indemnizasaun ba ami traballadór sira, tanba razaun finanseira no razaun seluk tan, maka ami husu atu re-emprega fali ami traballadór sira hotu ba ami nia kna’ar fatin hanesan bai-bain,” Porta Voz Berta Ornai Neto, liu husi konferénsia imprensa, Sesta (14/08/2020), iha edifísiu SJTTL, Bemori-Dili.

Traballador sira husu mos ba estrutura kompañia atu tu’ur hamutuk hodi buka solusaun, nune’e bele rezolve problema ne’ebé traballadór sira infrenta durante ne’e.

“Ami ezije ba Diretora no membru board sira atu selu kompensasaun tuir artigu 56, fó sertifikadu servisu tuir artigu 57 no lisensa anual ba ami traballadór sira ne’ebé seida’uk goja nia direitu ne’e, ami husu ba doador sira ne’ebé akompañia hela problema ne’e, atu asume mos ita boot sira nia responsabilidade nu'udar osan na'in, hodi hamutuk solusiona problema direitu ne’ebé ami hasoru”, tenik, Berta Ornai Neto.

Berta Ornai informa, bainhira la hetan resposta husi kompañia sira sei hala’o asaun greve hasoru Diretóra no mós membru board husi kompañia refere. Alende ne’e, traballador sira mós husu ba Diretora ezekutivu husi kompañia rua ne’e atu rezigna-an, tanba konsidera laiha kapasidade atu rezolve problema. Jen


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker