GMN TV Economia La’o Hamutuk husu Governu tenke jere di-di'ak FP

La’o Hamutuk husu Governu tenke jere di-di'ak FP

0 views

Peskizadór Organizasaun Naun Governamental  La'o Hamutuk, Celestino Gusmão Pereira, husu Governu tenke halo jestaun di'ak ba Fundu Petrolíferu (FP), nune’e bele kontinua sustentabiliza ekonomia nasaun Timor-Leste, tanba tuir peskiza La'o hamutuk katak, mina rezerva iha Bayu Undan sei laiha.

 “Produsaun Bayu Undan ne’e atinji nia másimu produsaun iha tinan 2013 no 2014, dezde husi ne’eba rezerva menus to’o agora, to’o iha 2020, 2021, 2022, produsaun para hotu hotu hatene katak realidade ne’e  ami koalia dezde tinan hirak liu ba, mas agora dau-daun ema rekoñese katak saida mak ami koalia loos katak sei para no rezerva iha Bayu Undan ne’e bee maka sa’e ne’e oinsa? Ne’e katak rezerva ne’e  laiha tiha ona depois hela de'it restu sira iha ne’eba ne’e nalihun sira besik iha posu ne’eba”, dehan Peskizadór La'o Hamutuk, Celestino Gusmão Pereira, ba jornalista GMN iha  Palásiu Prezidensial Nicolau Lobato, Tersa (11/08/2020).

Nia afirma, atu hasai tan mina restu iha besik posu sira ne’e presiza iha aprovasaun husi Governu Timor-Leste.

“Ami husu ba ministru tenke sukat kustu hira ba produsaun, tanba iha mina restu ne’ebé iha ho benefisiu hira, tanba kustu produsaun ne’e fiksu depois retornu ne’ebé ba nasaun ne’e, depende ba iha merkadu folin mina no buat sira ne’e hotu. Agora dau-dauk ita laiha ona depende ba rendimentu mina no gas, ita depende ba iha fundu petrolíferu, mina no gas ne’ebé ita konverte tiha ona ba osan ne’e mak fundu petrolíferu ne’e, mina hotu ona, agora ita nia matan mak tenke ba iha fundu petrolíferu, agora jere oinsa mak ita bele sustenta ita nia ekonómia ne’e, ita bo’ot sira hotu hatene fundu petrolíferu ne’e agora atinji 18 bilioens, inklui tokon atus neen lima nulu ne’ebé fizikamente ba tiha ona kompañia sira, mas klamar ita konta nafatin iha fundu petrolíferu”, hatutan Celestino.

La'o Hamutuk husu bei-beik buat ne’ebé kontrola tenke kontrola oinsa, despeza sira no levantamentu sira ne’ebé halo ba orsamentu estadu tenke kontrola, tenke halo di'ak liu fali, tanba mina matan laiha ona osan ne’ebé konverte husi mina no gas ba fundu petroliferu.

“Risku seluk mak fundu petroliferu bele hotu, sé fundu petroliferu gasta la di'ak, no gastu finanseiru sira iha nivel internasional ne’ebé la seguru mak hetan negativu bei-beik ho nivel levantamentu ne’ebé la kuidadu fundu bele hotu no ekonomia atu bele sustenta tan ho saida? Ami rekomenda bei-beik ba Governu, ami husu atu kansela projetu boot sira ne’ebé la urjente, no tau matan ba setor produtivu sira ne’ebé hetan investimentu hodi fo fali retornu sosial no ekonómiku ba ita nia povu, hanesan ita bele investe ba agrikultura atu rezolve aihan ba ita nia povu, ne’ebé  la bele ejizente ba importasaun, rezolve nesesidade povu ni'an, ita investe ba agrikultura bele rezolve malnutrisaun, bele absolve traballador sira ne’ebé barak no permanente, ami sujere bei-beik atu investe iha kapital umanu, nune’e produs ema sira ne’ebé iha kualidade, kreatividade atu produs servisu ne’ebé di'ak liu iha ita nia rain”, esklerese Celestino.

Reprezentante La'o Hamutuk ne’e subliña liu tan, akompania Jornada Orsamentais, Governu rekoñese kona-ba problema ba mina no gas atu hotu, problemas kona-ba importasaun, problema kona-ba dependensia ba petroleu no orsamentu Estadu, reseita ekonómia uitoan de'it ho buat sira ne’e hotu, Governu preokupa, soke liu tiha tinan barak mak Governu foin rekoñese preokupasaun ne’ebé sira halo ne’e  loos.

“Jere oinsa? ami husu atu labele iha diresaun rua la'o dala ida, maibe tenke hili diresaun ida ne’ebé ba ekonómiku ne’ebé loos liu. se diresaun rua la'o dala ida ita nia osan la to’o atu sustenta ita nia ekónomia”, hakotu Celestino. Oly 


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker