GMN TV Economia Negósiu online laiha lisensa, multa USD 500-5000

Negósiu online laiha lisensa, multa USD 500-5000

0 views

Diretór Ezekutivu SERVE.IP, Floréncio Sanches, hatete, atividade negósiu online ne’ebe laiha lisensa, sei hetan sansaun selu multa husi USD atus lima to’o USD rihun lima, tanba kontra lei komersiál númeru 8/2008.

“Ne’e obrigatóriu laiha entidade ida ne’ebé ke iha territóriu ida ne’e atu halo negósiu sein rejista, tanba lei mak hatete nune’e. Sé karik sira halo atividade ne’ebé ke la’o dadauk ona maibé sein rejista ninia penalidade iha ka la’e..? sim iha ba sira ne’ebé ke halo tiha ona maibé sei toman mak negósiu ki’ik sei kona USD atus lima, tuir lei ne’e hateten, maibé, ita toman katak sira ne’e kompañia, sei multa USD dolar rihun lima, tanba ne’e SERVE.IP lakohi aplika osan ne’e ba sira, se karik sira viola, tanba osan quinentos dolar to’o cinco mil dolar parese ida ne’e mak sira nia lukru atu sustenta sira nia moris no ninia atividade”, dehan, Floréncio Sanches ba GMN iha nia knar fatin Hudi Laran, Segunda (10/08).

Floréncio esplika, kritériu atu rejistu atividade negósiu online mak, uza kartaun bilete identidade, mapa lokalizasaun no sé mak na’in ba atividade online.

“Atu rejistu atividade online iha SERVE, lá presiza ba direta iha edifísiu SERVE, maibé bele rejistu de’it liu husi email ne’ebé mak SERVE.IP prepara ona,” Floréncio hatete.

Diretór Ezekutivu ne’e husu ba ema hotu, ne’ebé mak halo atividade negósiu online, tenke ba rejistu iha SERVE.IP ho razaun nune’e bele kontribui mós taxa ba kofre estadu, tanba atividade negosiu online fó impaktu pozitivu ba roda ekonomia Timor-Leste.

Floréncio Sanches mos hatete, la’os negósiu online de’it mak obrigatóriu rejistu, maibé ba média online sira ne’ebé lukrutivu mos tenke  rejistu iha SERVE, maske rejistu ona iha notariadu.

“Atividade online ne’ebé mak naun lukrutivu, la presiza ba rejista iha SERVE, maibé tenke ba rejistu iha notariadu de’it,”dehan, Floréncio.

Nune’e mos Floréncio hatete, SERVE iha ona planu atu halo monitorizasaun ba atividade online ne’ebé mak dadaun ne’e sirkula ona iha rai laran.

Tuir dadus ne’ebé mak dadaun ne’e, atividade online rejistu ona iha SERVE.IP hamutuk haat husi númeru ne’e, emprezaria nasional tolu no internasional ida. Ina


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker