GMN TV Economia Produtu lokál folin karun, Difikulta TL kompete iha merkadu internasionál

Produtu lokál folin karun, Difikulta TL kompete iha merkadu internasionál

0 views

Diretora Organizasaun PARC Interpeoples' Cooperation (PARCIC), Junko Ito, hateten, maske produtu Timor-Leste nia produtu lokál ho kualidade diak, maibé ho folin ne’ebé karun no kuantidade ki’ik sei difikulta atu halo kompetisaun iha merkadu internasionál.

“Difikuldade ba produtu lokál atu kompete iha liur mak folin, koalia kona-bá produsaun rai laran ne’e, nia kualidade atu kompete ne’e poder ona, maibé folin ne’e difísil, tanba produtu ne’ebé ita produz iha rai-laran ne’e nasaun viziñu mós bele produz ho folin ki’ik no kuantidade boot”, Diretora Organizasaun PARCIC ne’e liu husi sesaun Talk Show ho tópiku Rekoperasaun Ekonomia TL Relasiona ho Pandemia Surtu COVID-19 ne’ebé realiza iha Sentru Informasaun ba Impaktu COVID-19, FONGTIL, Caicoli-Díli, Tersa (18-08-2020).

Junko mos esplika, solusaun atu bele kompete mak Governu tenke tau valór espesífiku ba produtu hanesan kafé, tanba iha nasaun seluk nia volume produsaun boot liu kompara ho kafé Timor nian produsaun kuaze porsentu 0,2 de’it husi total produsaun iha mundu.

Ho razaun ida ne’e, entaun kosnumidor sira konsidera kafe Timor laiha mós la problema, maibé problema mak Timor-Leste hakarak lori nia produtu ba mundu.

Hodi bele fó diferensia ba produtu kafé mak tenke uza valór istoria kafe Timor-Leste ne’ebé úniku ho nasaun seluk no Governu tenke kria estrutura ou sistema organizasaun ida hodi fó rekoñesimentu liu husi sertifikasaun ba produtu lokál sira, hodi kompete iha rai-liur.

“Dehan tenke ser kafé orgániku, maibé ema la fiar, tanba laiha marka ou sertifikadu hodi fó rekoñesementu, entaun durante ne’e kompañia bolu organizasaun husi rai-liur hodi halo inspesaun no bele rekoñese, maibé sira ne’ebé laiha ligasaun labele hatudu katak sira nia kafé ne’e orgániku”, tenik Junko.

Entretantu PARCIC eziste iha Timor-Leste iha tinan 2002, servisu ho kafé na’in sira atu bele dezenvolve kafé no sai organizasaun independente, hodi produz kafé ho kualidade di’ak, agora nafatin mantein ida liu husi kooperativa Maubisse ho nia membru 600 ne’ebé produz kafé Arabika no Kooperativa Ermera ho membru 130 ne’ebé produz kafé Rebusta.

Dezenvolve mós feto sira husi munisípiu 6, grupu hamutuk 16 ho marka kafé aroma Timor, produz ona xá, bani-been, mina nú, marmelada no produtu seluk ne’ebé porsentu 100 produtu Timor-Leste.

Maibé organizasuan ne’e rekoñese katak, iha fallansu mak haree de’it potensiál husi produsaun no dalabarak haluha haree merkadu ou nesesidade husi merkadu.

Organizasaun PARCIC esforsu apoiu ekipamentu no fó treinamentu, maibé merkadu la sosa, entaun tenta atu hadi’a liu husi haree uluk potensia hodi fa’an iha merkadu doméstiku no rai-liur. Ida


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker