FOTO:FACEBOOK
Banco Central de Timor-Leste (BCTL) relata relatóriu trimestrál Fundu Mina-Rai Timór-Leste nian ba trimestre ikus, sa’e ba billiaun USD 19.49,000 kompara ho fim trimester dahuluk ho totál billiaun USD 18.98.
Relatóriu ne’e mós hatudu, totál reseitas ne’ebé simu iha trimestre ne’e hamutuk millaun USD 73.74, ne’ebé kompostu husi kontribuinte sira ba Fundu hamutuk millaun USD 41.95.
No pagamentu royalty simu husi Autoridade Nasionál Petróleu (ANP) hamutuk millaun USD 30.86 no anual pipeline fee hamutuk millaun USD 0.92.
“Relatóriu ne’e hatudu katak, kapitál fundu nian iha trimestre ikus ne’e mak billiaun USD 19.49 kompara ho billiaun USD 18.98 iha fim trimestre dahuluk,” informa Vise Governador BCTL, Venancio Alves Maria, liu husi karta komunikadu ne’ebé GMN asesu Segunda (02/08).
Rendimentu husi investimentu fundu nian hamutuk USD millaun 600.12 kompostu husi kupaun no dividendu ne’ebé simu millaun USD 77.11, mudansa iha valór merkadu nian USD millaun 523.89 no movimentu cambiais lakon millaun USD 0.88 iha trimestre ne’e.
Ne’e rezulta rendimentu ba karteira Fundu nian durante trimestre ne’e 3,24% enkuantu rendimentu sasukat “benchmark” nian ba periodu ne’e mak 3,05%.
“Banco Central de Timor-Leste jere ona portofoliu besik liu ho pontu referensia iha trimestre dala lima nulu resin ualu dahuluk. Diferensia entre portofoliu no pontu referensia iha periode nee 13 ponto de base ou 0,13%. Dezenpenu absoluta retornu fundu nian hahú husi inísiu mak 4,94%,” tenik nia.
Pontu importante husi relatóriu trimestre ba dala LVIII, ne’ebé kobre períodu 01 fulan abril to’o loron 30 fulan Juñu tinan 2021, inklui kapitál fundus nian mak USD billiaun 19.49.
Osan kontadu brutu fundus nian tama husi kontribuisaun kontribuinte, realeza/royalties hamutuk millaun USD 73.74.
Osan kontadu líquidu ne’ebé sai husi fundu durante trimestre ne’e hamutuk millaun USD 156.45, kompostu husi millaun USD 150.000 transfere ba OJE no millaun USD 6.45.000 kobre kustus jestaun nian, no rendimentu portofoliu instrumentu merkadu finanseiru iha periodu ne’e mak 3,24% kompara ho rendimentu referensia mak 3,05%.Bal
