Premiadu Nóvel da Paz, José Ramos Horta, hateten, restaurante hanesan negósiu ki'ik ne’ebé kontribui mós ba roda ekonomia iha rai-laran, tanba kada fulan sempre selu impostu ba Estadu.
Horta hato’o asuntu ne’e, hafoin inaugura restaurante Lahori Kabab iha Faról, ne’ebé harí husi sidadaun Pakistaun no Timor-o’an balun.
Eis Prezidente Repúblika ne’e dehan, Timor-oan barak mós servisu iha estranjeiru, kontribui ba ekonomia nasaun seluk nian, nune’e mós hanesan sidadaun estranjeiru ne’ebé iha TL.
“Ema sira ne’e hela iha ita nia rain kleur ona, sira mós hela iha ne’e sira kontribui ba ita nia ekonomia no kontribui ba sidade ida ne’e,” dehan Ramos Horta hafoin inaugura restaurante ne’e, iha Faról-Díli, Sábadu (07/08).
Nain ba restaurante, orgullu bele loke hikas sira nia restaurante, ne’ebé antes ne’e paradu, tanba impaktu husi COVID-19.
“Ami kontente ohin ami bele loke-fali ami nia restaurante uniku restaurante Pakistaun iha Díli,” Ali, haksolok.Axs
