GMN TV Economia Fortalese sistema rejistu moris, Japaun apoia millaun US$2,5 ba UNICEF

Fortalese sistema rejistu moris, Japaun apoia millaun US$2,5 ba UNICEF

0 views

Governu Japaun liu husi nia reprezentante iha Timor Leste, Hiroshi Minami, oferese osan millaun US$ 2,5, ba parseiru dezenvolvimentu Timor-Leste UNICEF atu fortalese sistema rejistu moris universal iha Timor Leste. 

Embaixador Japaun ba Timor-Leste, Hiroshi Minami, hateten, objetivu husi oferta ne'e atu garante fortalesementu sistema rejistu moris iha Timor Leste, tanba rejistu moris nu’udar baze fundamental direitu umanu no estipuladu iha artigu 7 husi konvensaun Nasoens Unidas nian kona-ba direitu labarik.

"Rejistu moris ne'e esensial ba servisu sosial báziku sira hanesan eduksaun, kuidadu saúde, protesaun sosial, no seluk tan ne’ebé tenki garante ho rejistu sira hanesan ne'e dezde inisiu labarik ida moris. iha esperiensia ba projetu ne'e atu hadia protesaun direitu umanu, fasilita servisu sosial nesesaria sira no kapasita labarik sira iha Timor Leste, atu nune'e sira bele sai ajente esensial ba konstrusaun nasaun TL nia dezenvolvimentu ekonómiku,"dehan Hiroshi Minami, iha nia diskursu molok asina akordu ho Diretor Ezekutivu Parseiru Dezenvolvimentu Timor Leste , UNICEF, Valeri Taton, iha Caicoli, Díli, Sesta (7/9/2018).

Diretora Ezekutivu UNICEF, Valerie Taton, afirma, naran no nasionalidade ba ema importante tebes liu-liu labarik sira. Tanba hakerek ona iha konvensaun universal direitu umanu, katak labarik ida tenki rejistu ona ka iha ona sertidaun moris dezde inisiu moris, tanba ne'e liu husi programa ne'e UNICEF sei servisu hamutuk ho parte ne’ebé mak kompetente hanesan, Ministériu Justisa, Ministériu Edukasaun, Ministériu Saúde no Estatístika atu nune'e bele legaliza programa ne'e ho di’ak no susesu nune'e ema hotu bele hetan sertidaun moris (sertidaun RDTL).

"Globalmente labarik tinan lima, mai kraik millaun 200 mak seidauk rejistu, ne'e hatudu katak labarik ho idade tinan lima husi ema nain hat mak seidauk rejistu, labarik sira ne'e legalmente la ezisti no risku atu lahetan direitu báziku sira hanesan, direitu ba eduksaun, direitu ba kuidadu saúde no seluk tan inklui partisipasaun no protesaun ba tempu ne’ebé lolos,"dehan nia.

Diretora ne'e mos haktuir, alende ne'e labarik sira mos sei ladun hetan protesaun husi abuzu no explorasaun.

"Tanba ida ne'e mak labarik sira tenki rejistu hahú kedas husi moris, tanba ida ne'e mak pasu dahuluk atu asegura rekoñesimentu iha lei nia oin nu’udar salva guarda ba sira-nia direitu,"Diretora ne'e esplika.

Tuir nia,Timor Leste iha ona progresu signifikativu hahú husi ratifikasaun konvensaun Direitu Labarik iha tinan 2003, ne’ebé labarik barak liu tan mak tama eskola, no hetan asesu ba kuidadu saúde primaria, inklui melloramentu ba bee moos no saneamentu.

Maske nune'e, nia dehan, sei iha dezafiu espesialmente iha faze dahuluk bainhira labarik moris, tuir avaliasaun demográfiku saúde, tinan 2016, hatudu tasa mortalidade labarik ho idade tinan ida to’o tinan lima tun konstante, maibe mortalidade labarik tinan ida mai kraik sei aas defaktu mortalidade labarik idade tinan lima mai kraik porsentu 73.

"Ida ne'e hatudu importansia atu tau atensaun ba labarik idak-dak nia moris no aselera ita-nia esforsu atu nune'e labarik barak liu tan sei moris liu tan tinan lima, no kompleta sira-nia potensialidade durante sira-nia idade adultu,"Nia esplika.

Entertantu Sekretáriu Estadu Komunikasaun Sosial, Mericio Akara, apresia ho apoiu governu Japaun ba prosesu rejistrasaun moris nian, tanba labarik hotu ne’ebé foin moris iha direitu hetan sertidaun moris nian.

"Akordu ohin ne'e importante, ne’ebé mak Governu Japaun ho UNICEF halo, ne’ebé mak ita bo’ot sira hatene oinsa rejistrasaun ba moris liu-liu sistema ne’ebé mak ita tenki iha, tanba hanesan Governu iha tinan 2003 ita asina ona konvensaun direitu labarik nian ne’ebé mak iha artigu 7 ne’ebé mensiona klaru iha neba katak, labarik ida foin moris ho moris tenki hetan kedas akta moris nian, ida ne'e importante para ita hahú kedas husi ne'eba tau matan ba labarik sira hahú husi sira-nia saúde, eduksaun, protesaun sosial sira moris ho moris iha direitu kedan,'Mericio Akara dehan.

Durasaun tempu ba nota de intendementu ne'e tinan tolu hahú husi tinan 2018 to’o tinan 2020. Tuir dadus ne’ebé mak UNICEF iha, labarik idade tinan lima mai kraik mais ou menus 40% seidauk rejistu no 60% rejistu ona, maibe seidauk hetan sira-nia sertidaun moris ou sertidaun RDTL.Ola


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker