GMN TV Economia Governu sei reforsa kapitaliza BNCTL

Governu sei reforsa kapitaliza BNCTL

0 views

Governu konstitusional daualu iha hanoin ona atu reforsa tan kapitalizasaun ba  Banco Nacional de Comércio de Timor-Leste (BNCTL) atu halo atuasaun finanseira iha rai laran.

Ministru Reforma Lejislativa no Asuntu Parlamentares, Fidelis Magalhães, informa, kapitalizasaun ba BNCTL ne’e hodi reforsa liu tan kapasidade banko ne’e nia atendimentu ba públiku, tanba Governu mak hanesan asionista ba banko ne’e. Maibé tuir Fidelis, antes atu reforsa kapitalizasaun ba BNCTL, Governu sei halo avaliasaun ba aplikasaun no lukru ne’ebé BNCTL hetan durante nia ezistensia.

“Kona-ba kapitalizasaun ne’e seidauk define maibé iha ona proposta, tanba buat ne’ebé mak Governu atu halo, haree lai ba sira-nia aplikasaun husi 2017 nian, no halo analize klean kona ba performance no implikasaun ekonómika, kuandu Governu aumenta kapitalizasaun”,relata Fidelis Magalhães ba jornalista sira iha Palásiu Governu, Kinta (26/09), hafoin Konsellu Ministru.

Nia haktuir, kona-ba reuniaun Konsellu Ministru nian, ko’alia kona-ba Governu atu kapitaliza tan BNCTL, tanba BNCTL ne’e banko Estadu.

“Ami informa ba Konsellu Ministru, rezultadu husi aplikasaun no lala’ok BNCTL no lukru hira mak BNCTL konsege halo iha tinan 2017”,relata Fidelis.

Tuir Fidelis, kapital inisial ne’ebé Governu tau iha BNCTL millaun US$ 17, no iha tinan 2017, dezde BNCTL harii to’o agora, konsege hetan ona lukru millaun US$ 9 ne’ebé auditoria tiha ona.

“Governu mós sei halo estudu no avalia  kona-ba estudu kapitalizasaun ba BNCTL atu reforsa liutan kapitalizasaun aktual BNCTL nian, nune’e BNCTL bele iha forsa atu halo atuasaun ba situasaun finanseira iha kualker tempu no kontestu, no BNCTL mós bele expande liu tan nia produtu ba ita nia populasaun”,katak Fidelis.cos


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker