GMN TV Economia Projetu 95 mak priense kritériu pagamentu

Projetu 95 mak priense kritériu pagamentu

0 views

Ministru Interinu Planeamentu Investimentu Estratéjiku (MPIE), Agio Perreira, informa, projetu ne’ebé iha ona kontratu husi projetu illegal 143 hamutuk projetu 95 tama ona kritériu hodi hetan apagamentu husi orsamentu 2018 ne’ebé aprova ona.

Maske nune’e Agio Pereira, afirma, projetu sira ne’ebé mak sei iha hela prosesu verifikasaun hamutuk 48.

“Atu fó hatene de’it katak, projetu ne’ebé iha kontratu ona husi 143 ne’e hamutuk 95, projetu sira ne’ebé sei iha prosesu verifikasaun dezeñu hamutuk 48,” katak Agio Pereira iha nia intervensaun ba debate espesialidade OJE 2018 iha Parlamentu Nasional, Kuarta (06/09).

Agio haktuir, projetu enerjia eletrika nian, depois ADN ho Ministériu Obras Públika bele hamutuk atu klarifika.

Agio Pereira afirm informasaun ne’e hodi responde preokupasaun deputadu Adriano do Nascimento husi bankada PD,ne’ebé hateten katak,  tuir nia haree durante tinan barak iha Parlamentu Nasional, iha tendensia membru Governu barak mak inventa orsamentu.

“Maibé sira tau osan ne’e, la halo agregasaun, ida ne’e difikulta tebes fiskalizador Parlamentu Nasional atu hatene tuir. Ida seluk membru Governu sira tau buat lubuk ida iha bens servisu, no seluk tan mak projetu bo’ot sira ne’e, barak mak sempre halo break down, ho intensaun atu hases an husi vistu previa tribunal de kontas nian,”katak Adriano.

Tanba ne’e, deputadu bankada PD ne’e, husu ba VIII Governu ne’ebé lidera husi Primeiru Ministru, Taur Matan Ruak atu tau matan kestaun ne’e iha nia Governasaun.

“Projetu ne’e sempre mai ho karakter emerjensia, maibé nia valor ne’e bo’ot tebes, ida ne’e mak kestaun ba nasaun no Estadu ida ne’e. ita iha prosediamentu legal katak, kuandu projetu bo’ot, tenki liu husi tribunal kontas atu halo vistu previu, maibé prátika durante ne’e, sira fahe projetu bo’ot ne’e sai kiik hodi fahe malu,” katak Adriano.

Nia afirma, ADN nia papel ne’e atu halo planeamentu, haree projetu nia dezeñu, BoQ no kalkuasaun projetu sira ne’e hotu, maibé ADN nia servisu agora ne’e foku de’it ba kaer projetu, no planeamentu ne’e emprezáriu sira mak halo fali.

Alende ne’e, deputada Maria Angelica Rangel husi bankada FRETILIN, husu ba VIII Governu atu define lolos Ministériu Obras Públika no ADN kona ba ida ne’ebé mak bele halo projetu.

“Tanba ha’u hatene katak, ADN ne’e mosu atu halo kontrolu, tanba ne’e mak ita tenki define polítika ne’e, se la’e Obras Públika mós halo, no ADN mós halo, ita lahatene los atu ba ne’ebé,”kestiona Maria Angelica Rangel.

Nune’e mós, deputadu Marito Mota husi bankada FRETILIN lamenta ho projetu 95 ne’ebé mak Governu atu halo ona pagamentu, no oinsa ho projetu 48 ne’ebé sei illegal.

“Ha’u atu hatene liu kona ba kompetensia ADN ne’ebé hanesan Ajensia ida, ho Ministériu bo’ot ida hanesan Obras públika,”dehan Marito.cos


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker