GMN TV Economia BNU rejeita ko’a pensaun veteranu kada fulan

BNU rejeita ko’a pensaun veteranu kada fulan

0 views

Banco Nacional Ultramarino building, Dili - Wikipedia

FOTO: GOOGLE

Diretór Banco Nacional Ultramaríno (BNU), Paulo Lopes, hateten, nia parte rejeita informasaun husi veteranu sira nian kona-ba BNU ko’a pensaun veteranu sira ni’an kada fulan.

Informasaun refere laloos, tanba ne’e nia husu ba kliente BNU atu labele fiar informasaun hirak ne’e, maibé nia parte husu ba kliente sira bainhira deskorda ho sistema BNU bele eskolla banku seluk, hodi simu pensaun kada fulan.

“Portantu, ida ne’e la’ós exkluzivu ba sira no nia valor la’ós hanesan ita boot mensiona ne’e, maibé nia valor ki’ik. Ida ne’e loos. Ami preparadu iha tempu naruk ona, banku ida mak modernu. Ha’u hakarak koalia hanesan ne’e, kliente sira iha kazu ida ne’e, kliente pensionista sira ka veteranus iha opsaun atu hili, ida ne’e faktu ida, atualmente Banco Nacional Ultramarino hanesan banku ida ne’ebé iha kliente pensionista barak liu, ida ne’e aplika ba veteranus, funsionáriu públiku sira no kualker kliente”, dehan Diretór BNU ne’e ba GMN iha nia kna’ar fatin Kolmera-Díli, Sesta (28/08/2020).

Tuir nia mezmu ema barak mak kestiona servisu BNU no kestiona mós kona-ba jurus kréditu ne’ebé mak ho montante boot, nia parte adianta ba kliente sira atu bele eskolla banku seluk hodi halo kréditu no seluk tan.

Públiku mós preokupa kona-bá taka konta bankaria selu ho USD 60 ne’e laloos, tanba atu muda konta ba banku seluk mós iha kustu ne’ebé determinadu.

Tuir dadus ne’ebé hatudu, veteranu sira ne’ebé loke konta bankária iha BNU tinan ne’e liu rihun 17.

Antes ne’e, veteranu sira halo krítika hasoru Banco Nacional Ultramarino, tanba kada fulan BNU ko’a sira-nia subsídiu. ina


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker