Autoridade Inspesaun Fiskalizasaun Atividade Ekonómika Sanitária, Institutu Públiku (AIFAESA.IP) prende tabaku ilegál balun ne’ebé bandu operadór ekonomia sira labele fa’an.
Iha inspesaun ne’ebé hala’o iha merkadu Taibessi, ekipa prende tabaku ho marka Pohon Sagu, Matahari, sigaru Surya balun ne’ebé negosiante sira fa’an hela.
“AIFAESA prende tabaku ho marka Pohon Sagu iha 89, Matahari 28 no sigaru Surya slop 66 no masu 151, lulun 214 no plástiku 117,” informa Inspetór Jerál AIFAESA, Ernesto Monteiro, ba Jornalista sira Tersa (07/09), iha merkadu Taibessi.
Inspesaun ne’e hetan akompañamentu husi Polísia Nasionál Servisu Investigasaun Kriminál (PNSIK).
Tabaku hirak ne’e, lori kedas ba edifísiu AIFAESA, ho halo kontinua nia prosesu sira, tuir dekretu lei númeru 14/2016, kona-ba rejime kontrolu tabaku.Fel
