GMN TV Economia ANPM: CCS sei kontribui reseita ba Estadu liu husi armazena CO2

ANPM: CCS sei kontribui reseita ba Estadu liu husi armazena CO2

85 views

Autoridade Nasionál Petróleu no Minerais (ANPM), estabelese akordu ho kompañia SANTOS, kona-ba teknolojia Carbon Capture Storage (CCS), hodi kaptura no armazena Carbon Dioxide (CO2) iha fatin indústria sira.

Carbon Capture Storage (CCS), nu’udar sistema ida ne’ebé bele kaptura gás husi rezultadu indústria kombustivel, besi, sementu, fatin administra gás, destilasaun mina-rai no indústria seluk tan ne’ebé kontem ho CO2.

Prezidente ANPM esplika, liu husi akordu ne’e, bele halo mitigasaun ba akesimentu global no mudansa klimátika iha rai laran, liu husi redusaun karbonu dioxida.

Nia hatete, Timor-Leste dadauk ne’e iha prosesu esplorasaun mina no gás, foka ba kampu Bayu-undang deit, tan ne’e loron ida mina sei maran. Maibé iha oportunidade seluk ne’ebé sei kontribui reseita mak, halo kapturasaun ba CO2 iha kampu refere.

“Ita haree katak, ita prodúz deit iha kampu ida, maibé ba futuru kampu ne’e bainhira hotu ita atu dezmantela no taka deit lae, maibé ita atu haree oportunidade seluk. Oportunidade investimentu atu bele fó tan reseita ba mai Timor-Leste, liu husi atividade sira administrasaun karbonu dioxida,” afirma Prezidente ANPM, Florentino Soares Ferreira, hafoin remata assina akordu ho kompañia SANTOS via virtual, iha Ministériu Finansa, Aitarak Laran, Segunda (13/09).

Florentino akresenta, iha mundu internasionál atualmente, empreza barak mak muda sira nia pozisaun husi empreza mina no gás ba empreza enérjia, tanba bazeia ba ejijensia husi akordu Paris.

“Paris agreement husu atu empreza sira kontribui ba iha redusaun emisaun ou karbonizasaun husi karbonu dioxida iha atmosfera,” tenik nia.Ags


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker