GMN TV Economia COVID-19 halo Governu haluha programa importante sira

COVID-19 halo Governu haluha programa importante sira

47 views

Governu daualu ne’ebé lideradu husi Primeiru Ministru (PM), Taur Matan Ruak, atu remata ona trimestre daruak iha Orsamentu Jerál Estadu (OJE) 2021 nian, maibe taxa ezekusaun foin atinje porsentu 50.2.

Ho ezekusaun ne’ebé ki’ik, Reitór Universidade da Paz (UNPAZ) Adolmando Soares Amaral dehan, taxa ezekusaun ki’ik tanba Ministériu sira hotu la foku ba ida-idak nia programa esensiál sira, ne’ebé Parlamentu Nasionál (PN) aprova ne’e.

Orsamentu tinan 2021 nian hamutuk biliaun $ 1.8, depois hetan tan aumentu husi Orsamentu Retifikativu (OR) millaun $ 223.8, nune’e OJE 2021 aumentu ba bilaun $ 2.1.

Mesmu osamentu Estadu ne’e nia montante boot, maibé to’o ohin loron, povu seidauk sente nia efeitu ba dezenvolvimentu, liu-liu ba infraestrutura bázika sira.

“Orsamentu ne’e to’o agora ita seidauk senti nia efeitu ba dezemvolvimentu, ita haree infraestrutura bázika, sira la konsege resolve, depois povu sira hakilar iha fatin-fatin,” dehan Reitór UNPAZ, iha nia knaar fatin, Manleuana, Díli Sesta (17/09).

Lolos kada liñas Ministériais tenke ejekuta tuir programa no metas ne’ebé trasa ona iha programa ne’ebé hetan ona promulgasaun husi Prezidente Repúblika (PR), la’os foku fali ba COVID-19.

“Sira la tau atensaun ba programa sira ne’ebé sira apresenta iha parlamentu, maibé sira tau atensaun liu ba  COVID-19 halo sira haluha tia programa estratejiku hirak ne’e” tenik nia.

Rekomendasaun ne’ebé akadémiku ne’e iha mak, bainhira Governu planu atu halo diskusaun ba OJE 2022, presiza halo avaliasaun uluk ba progresu ezekusaun OJE 2021, hodi define dezafiu no fó solusaun ba programa hirak ne’ebé seidauk implementa.

Dadus ne’ebé JNSEMANÁRIO asesa iha portál transparénsia Ministériu Finansa to’o loron 15, fulan ne’e, institusaun Governu ne’ebé nia taxa ejekusaun atinje puresentu 50 ba leten hamutuk intituisaun 50 resin, no ida ne’ebé seidauk atinje pursentu  50 hamutuk institusaun 41.

No taxa ejekusaun jeralmente ba insitituisaun Estadu hotu, foin ejekuta pursentu 50.2, husi OJE 2021 bilaun $ 2.1.

OJE 2021 bilaun $ 1.8 ne’e, millaun $ 541 aloka ba kapitál sosiál, millaun $ 475 ba dezenvolvimentu infraestrutura, millaun $ 338 ba dezenvolvimentu ekonómiku, no millaun $ 470 ba konsolida kuadru institusionál.

PN mós aprova OR millaun $ 223.8, ne’ebé aloka ba kombate pandemia COVID-19 ho valór millaun $ 51.2, medida apoiu sósiu-ekonómiku millaun 81.7, finalizasaun pagamentu programa sesta bázika millaun $ 31, atribuisaun suplementu remuneratóriu ba traballadór liña frente millaun $ 51.9, no dotasaun kontijénsia ba fundu COVID-19 millaun $ 8.Dms


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker