GMN TV Economia Emprezáriu Timor-oan deskonfia “buat balu laloos” iha INSS

Emprezáriu Timor-oan deskonfia “buat balu laloos” iha INSS

160 views

Emprezáriu Timor-oan balu lamenta ho prosesu pagamentu seguransa sosiál husi Institutu Nasionál Seguransa Sosiál (INSS) kona-ba subsídiu ne’ebé Governu apoiu ba empreza no traballadór sira, iha ámbitu COVID-19.

Sira lamenta, tanba sira nia empreza rasik kompleta ona dokumentu kona-ba subsídiu nian hanesan, guia de pagamentu ne’ebé hodi kompleta kedas pagamentu ba traballadór sira, maibé to’o agora INSS seidauk halo pagamentu.

“Ami deskonfia buat ruma iha laran, ne’ebé hau hatene buat ruma lalos iha laran, laloos ne’e dala-ruma ema fó bursa, kompañia boot, ema hakarak rezolve nia-nian lalais, tanba kompañia ki’ik sira ne’e lakohi fó bursa buat ruma ne’e, entaun sira impede tiha nia-nian,” deskonfia Horacio António, nu’udar emprezáriu, iha Ministériu Solidariedade Sosiál no Inkluzaun (MSSI) Caicoli, Segunda (20/09).

Na’in ba empreza Kuba, LDA António Soares esklarese, tuir prosesu normal, bainhira empreza sira kumpri ona rekezitu sira kona-ba pagamentu seguransa sosiál ba traballadór sira, Governu nia obrigasaun mak tenke halo ona transferénsia ba emprezáriu sira nia konta bankária.

“Kumpri hotu ona, lolos ne’e osan mai deit ami nia rekening ona, tanba guia de pagamentu ne’e ordem ba selu nian, nia nunka faillansu iha pagamentu ne’e,” kestiona António Soares.

Sira sujere ba Parlamentu Nasionál atu bolu atensaun ba sistema ne’ebé hamosu injustisa ba emprezáriu lokál sira, no husu ba Ministra Solidariedade Sosiál no Inkluzaun, Armanda Berta dos Santos, tenke haree kestaun ne’e ho sériu.

To’o notisia ne’e publika, JNDiário seidauk halo konfirmasaun ho Prezidente INSS Longuinhos Armando Leite, tanba okupadu ho servisu seluk.Eca


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker