GMN TV Economia Klasifikasaun PIB TL nian, ki’ik liu iha Ázia

Klasifikasaun PIB TL nian, ki’ik liu iha Ázia

512 views

Relatóriu husi Fundu Monetáriu Internasionál (FMI) fó sai katak, klasifikasaun Produtu Internu Brutu (PIB) Timor-Leste (TL) ki’ik liu ho de’it USD rihun 3,119 iha Sudeste Aziátiku.

Ekonomista, Adolmando Soares, deklara, situasaun ne’e akontese, tanba produtu importasaun ba estranjeiru menus no Governu la investe osan ba empreza privada no la hasa’e produsaun rai laran.

Nomós setór publiku no privadu barak liu mak depende deit ba polítika Governu nian, maibé laiha inovasaun hodi investe iha setór produtivu iha rai laran.

“Setór privadu sira ne’e lakohi re-investimentu setór produtivu, sira seluk depende loos mak investimentu polítika Governu nian, ba setór públiku sira hakarak mak tenderizasaun projetu Governu sira ni’an, sira rasik iha kondisaun, maibé lakohi halo investimentu ba setór produtivu sira,” dehan, Adolmando Amaral, ba GMN, iha nia knar fatin UNPAZ Fatumeta, Kuarta (01/09).

Relatóriu ne’ebé iha, atividade ekonomia negativu, tanba prejudika husi COVID-19 no mós impaktu husi siklone seroja ne’ebé akontese iha fulan Abril liu ba.

Prezidente Cámara Comercio Industria Timor-Leste (CCI-TL), Oscar Lima, esplika, PIB T-L ki’ik liu iha Ázia, kauza husi exportasaun menus, no pior liu tan povu no nasaun enfrenta pandemia coronavírus.

“Ita exporta ba rai liur desde uluk kedas ita ni’an oituan de’it, mak ita esporta ba rai liur, Timor kafé de’it no buat ne’ebé ke la dun bo’ot exportasaun la dun bo’ot, ita depende liu tama mai mak barak liu importasaun mai mak barak liu duke esportasaun” dehan Oecar Lima.

Antes ne’e Banco Central Timor-Leste (BCTL) relata, relatóriu kresimentu ekonomia tun ba 6%, tanba impaktu husi impase polítiku no pandemia coronavirus.Ina 


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker