GMN TV Economia Negosiante balu susar depózitu osan ba Moris Rasik

Negosiante balu susar depózitu osan ba Moris Rasik

283 views

Membru balun husi grupu míkro kréditu Moris Rasik, difisil atu depózitu (setoran) osan ba sira nia organizasaun, iha ámbitu Konfinamentu Domisiliáriu Jerál (KDJ).

Tereza Gomes ne’ebé durante ne’e halo kréditu iha Moris Rasik hodi loke negósiu fa’an obralan iha Ai-Mutin hatete, medida ne’ebé Governu impoen, impaktu tebes ba sira atu hetan rendimentu.

Tanba bandu komunidade labele faan sasan ne’ebé la’os kategoria ba nesesidade bázika, exeptu ba sira ne’ebé kategoria ba hahan mak bele kontinua loke.

Nune’e obralan iha parte Ai-Mutin maioria taka, tanba la’os kategoria ba nesesidade bázika (hahan).

Maske Governu suspende ona sira nia atividade negosiu, maibé ekipa husi servisu finanseiru Moris Rasik tun direita ba baze husu, sira tenke depózita osan ba organizasaun.

“Ami agora ne’e karantina iha uma de’it, ami la fa’an obralan, ami la iha osan atu selu Moris Rasik, ohin Segunda maun sira husi Moris Rasik mai husu ami atu estor, ami labele atu estor, tanba ami atu foti osan iha ne’ebé mak atu estor” dehan Teresa Gomes ba GMN, Segunda (06/09), iha Aimutin-Díli.

Jestór Jerál Moris Rasik, João Magalhães, konfirma, iha servisu kréditu iha nia kritéria rasik, tanba ne’e membru ne’ebé kréditu osan kleur ona, organizasaun sei tolera.

Maibé ba sira foun, ne’ebé foin halo kréditu osan, tenke kontinua selu, maibé se lakohi selu mak tenke halo deklarasaun.

“Ba sira ne’ebé mak foin foti osan iha semana rua kotuk presija kontinua selu, karik hakarak atu pauza bele halo deklarasaun hodi bele fo tempu ba sira pauza semana ida ka rua” informa, João Magalhães.

Míkro kréditu Moris Rasik ba Munisípiu Díli, iha kliente hamutuk 4000, ne’ebé durante halo kréditu.Lau

 


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker