GMN TV Economia PDB TL tun ba negativu ualu

PDB TL tun ba negativu ualu

184 views

Relatóriu prelimináriu ne’ebé relata husi Diresaun Jerál Estatístika hatudu, Produtu Doméstiku Bruto (PDB) Timor-Leste nian tun drástiku ba (-8.703), iha tinan 2020. Kompara ho tinan 2019 ita nia PDB sa’e ba (18.724).

Diretór Jerál Estatístika, Elias dos Santos Ferreira afirma, atu hadi’ak kresimentu ekonómiku (PDB) ne’e, presiza reativa atividade negósiu hotu, nune’e sirkulasaun osan bele la’o diak.

“Ita nia kresimentu ekonomia menus hosi 8.5 pursentu. Iha tinan 2021 atu sa’e lalais ba pozitivu ne’e susar uitoan, maibé atu informa katak, tuir dadus estatístika 2021 ami nia projesaun sei sa’e entre zero to’o dois pursentu ami sei hare diak dadus ne’e akontese ka lae?” dehan Diretór Jerál Estatístika, iha nia knaar fatin, Caicoli-Díli Tersa (07/09).

Situasaun ne’e mosu, impaktu husi pandemia COVID-19 ba ekonomia rai laran, tanba atividade ekonomia barak paradu, empreza barak taka, no sirkulasaun osan ki’ik iha merkadu.

Kona-ba relatóriu finál, sei iha faze finalizasaun, ne’ebé Diresaun Jerál Estatístika servisu hamutuk ho Ministériu Finansa no Programa Nasions Unidas ba Dezenvolvimentu (PNUD), ne’ebé hala’o hela mikro no makro enterprise survei.

“Relatóriu finál ne’e sei publika iha meadu fulan Outubru, tanba ne’e la’os ona menus 8 porsentu, maibé nia sei tun uitoan” informa.

Enkuantu taxa inflasaun iha tinan 2021 nian hahú fulan Janeiru iha %1.1, Fevereiru %0.4, Marsu %0.4, Abril %0.6, Maiu %0.5, Juñu %0.0, Jullu %0.0. Maibé iha mós deflasaun mak foos importadu sira sa’e ba %0.8.

Diresaun Jerál Estatístika mós servisu hamutuk ho PNUD no Ministériu Koordenadór Asuntu Ekonómiku (MKAE) hala’o hela peskiza kona-ba impaktu husi COVID-19 ba sósiu-ekonómiku rai laran nian, no relatóriu ne’e sei publika iha meadu fulan Outubru, tinan ne’e

Antes ne’e mós, relatóriu husi Fundu Monetáriu Internasionál (FMI) fó sai katak, klasifikasaun Produtu Internu Brutu (PIB) Timor-Leste (TL) ki’ik liu ho de’it USD rihun 3,119 iha Sudeste Aziátiku.Fel


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker