Relatóriu mensal Ministériu Finansa (MF), Diresaun Jerál Estatístika ba fulan Jullu, tinan ne’e hatudu, Indíse Presu Konsumidór (IPK) Timor-Leste (TL) iha inflasaun pozitivu porsentu 0.1.
Númeru inflasaun fulan Jullu nian ne’e, hanesan ho fulan Juñu, ne’ebé taxa inflasaun pozitivu porsentu 0.1.
Inísiu fulan Janeiru tinan ne’e, iha inflasaun porsentu 1, Fevreiru porsentu 0.4, Marsu porsentu 0.7, Abril porsentu 0.6, no Maio porsentu 0.5.
“Inflasaun sira ne’e mai hosi ne’ebé, hau hakarak hatete hare ba item sira ne’ebé mak iha foos iha fulan Julio, iha deflasaun 0.4 pursentu kompara ho fulan sira seluk, alkólika ho tabaku 0 menus 0 pursentu, inflasaun nian mai hosi mina no bokur,” relata Diretór Diresaun Jerál Estatístika, Elias dos Santos Ferreira, iha nia knaar fatin, Caicoli, semana ne’e.
Enkuantu mudansa persentajen IPK anuál sa’e ba pozitivu porsentu 3.6 kompara ho fulan Jullu tinan 2021, ho fulan Jullu 2020, ne’ebé hetan kontribuisaun husi grupu hahán no bebida la’os alkólika hetan pozitivu 5.8 porsentu alkólika no tabaku pozitivu 6.5, no transporte pozitivu 3.0%.
Ekipamentu no manutensaun mobiliáriu uma-laran hetan negativu porsentu 1.3, uma negativu porsentu 0.2, komunikasaun negatiavu porsentu 0.1, no rekreasaun no kultura negativu 0.23 porsentu, ida ne’e sai hanesan mudansa fulan Jullu 2021, no fulan Jullu 2020.
Inflasaun tradeable, no non-tradeable mensal no anuál nian tuir relatóriu ne’ebé relata husi Diresaun Jerál Estatístika hatudu iha pozitivu no negatiavu.
Inflasaun tradeable, hanesan sasan no servisu ne’ebé bele fa’an no sosa husi fatin ne’ebé la hanesan ka ho distánsia husi fatin, iha ne’ebé sasan no servisu ne’e prodúz ba.
No inflasaun non-tradeable, hanesan sasan ka servisu ne’ebé labele fa’an no sosa iha fatin ne’ebé la hanesan, ka distánsia husi fatin, iha ne’ebé sasan ka servisu ne’e prodúz ba.
Tanba ne’e inflasaun tradeable mensal sa’e ba pozitivu 0.2, no inflasaun non-tradeable negativu porsentu 0.1, kompara ho fulan Jullu, tinan 2021, ho fulan Juñu 2021.
Inflasaun tradeable anuál sa’e ba pozitivu porsentu 4.4, no non-tradeable sa’e ba pozitivu porsentu 2.1, kompara fulan Jullu 2021 ho fulan Jullu 2020.Fel
